قازاقستاندا ەمدەۋگە كەلمەيتىن، ەلىمىزدە قولدانىلمايتىن ادىستەر مەن تەحنولوگيالاردى تالاپ ەتەتىن اۋرۋلار بار. ونداي ناۋقاستاردىڭ مەملەكەتتىك بيۋدجەت ەسەبىنەن، شەتەلدە تەگىن ەمدەلۋگە مۇمكىندىگى بار. سونىمەن شەتەلدە مەملەكەت ەسەبىنەن كىمدەر ەمدەلە الادى؟ ول ءۇشىن قانداي قۇجاتتار تالاپ ەتىلەدى؟

«بيۋدجەت قاراجاتى ەسەبىنەن شەتەلدەردەگى وزىق كلينيكالارعا ەمدەۋگە جىبەرىلەتىن ازاماتتاردىڭ ساناتى مەن اۋرۋلاردىڭ ءتىزىمى دەنساۋلىق ساقتاۋ ءمينيسترىنىڭ ءتيىستى بۇيرىعىمەن بەكىتىلگەن. وعان نەگىزىنەن وتاندىق مەديسينا ۇيىمدارىندا ەمدەلگەن، ءبىراق قولدانىستاعى ەمدەۋ تاسىلدەرى وڭ ناتيجە بەرمەگەن ناۋقاستار جاتادى. شەشىم قابىلداۋ بارىسىندا 18 جاسقا دەيىنگى بالالارعا، ايرىقشا جاعدايلاردا قىزمەت بابىندا اۋىر جاراقات العان اسكەري قىزمەتشىلەر مەن قۇقىق قورعاۋ ورگاندارىنىڭ قىزمەتكەرلەرىنە باسىمدىق بەرىلەدى»، - دەيدى مەديسينالىق ساقتاندىرۋ قورىنىڭ باسقارۋشى ديرەكتورى زابيرا ورازالييەۆا.

ايتۋىنشا، اۋرۋلاردىڭ تىزبەسىنە نەگىزىنەن اعزالار مەن تىندەردى الماستىرۋدى قاجەت ەتەتىن اۋرۋلار، سونداي-اق ونكولوگيالىق اۋرۋلار، وڭەش، كەڭىردەك ستەنوزدارى ت.ب. كىرەدى. ونىڭ ىشىندە، راديوحيرۋرگيالىق ادىسپەن ەمدەۋدى، ياعني گامما پىشاقتى تالاپ ەتەتىن مي ىسىگى، ارتەريالىق انيەۆريزمدەر، كوزدىڭ قاتەرلى ىسىكتەرى بار (تولىق ءتىزىم: http://adilet.zan.kz/kaz/docs/V1700016107)

دەنساۋلىق ساقتاۋ مينيسترلىگى الەمنىڭ جەتەكشى كلينيكالارىمەن جۇمىس ىستەيدى. ولاردىڭ قاتارىندا گەرمانيا، يزرايل، اقش، وڭتۇستىك كورەيا، تۇركيا، جاپونيا، فرانسيا، يسپانيا، چەحيا، ۋكراينا، رەسەي، بەلارۋس، ءۇندىستان، سينگاپۋر سياقتى ەلدەردىڭ اللدىڭعى قاتارلى مەديسينا ورتالىقتارى بار. 

گۇلزيرا جىبەكەنوۆا