عالىمدار ادامزاتتىڭ وسىدان 100 000-200 000 جىل بۇرىن ءومىر سۇرگەن ەر مەن ايەلدەن تارالعانىن مويىندادى.

ولار 5 ميلليونعا جۋىق جانۋار مەن ادامنىڭ گەنەتيكالىق شتريحكودتارىن زەرتتەۋ ارقىلى وسىنداي ۇيعارىمعا كەلدى. پايىمداۋلارىنشا، ءبىز ۇلكەن ءبىر اپاتتان امان قالعان ەرلى-زايىپتىدان تاراعان ەكەنبىز.

دنق كودتارى ءتىپتى تەك ادامداردىڭ ەمەس، بۇگىندە تىرشىلىك ەتىپ جۇرگەن 9-10 ءتۇرلى جانۋاردىڭ دا ءبىر جۇپتان پايدا بولعانىن انىقتاپتى.

زەرتتەۋدىڭ باسى قاسىندا جۇرگەن شتوكل مەن تالەر مۇنداي ناتيجەنىڭ تاڭعالارلىق ەكەنىن ايتىپ وتىر.

«بۇل ءبىر عاجاپ بولدى. ناتيجەگە سەنبەي، تەرىسكە شىعارعىمىز كەلدى، الايدا قورىتىندى اينالىپ كەلىپ، وسى تۇجىرىمعا تىرەلدى»، - دەدى تاڭدانىسىن جاسىرماعان تالەر.

شۆەيسارياداعى بازەليا ۋنيۆەرسيتەتىنىڭ عىلىمي قىزمەتكەرلەرى مارك شتوكل مەن ديەۆيد تالەر الەمنىڭ جىلدام دامىپ كەلە جاتقان گەنەتيكالىق نەگىزدەرىن زەرتتەپ، ءدارۆيننىڭ ەۆوليۋسيالىق دامۋ تەورياسىن دا ءجىتى قاراپ شىققان.

«پلانەتاداعى ادامداردىڭ كوپتىگىنە ءارى اۋقىمدى گەوگرافيالىق تارالىمىنا قاراپ گەنەتيكالىق تۇرلىلىككە يە دەپ ايتۋعا بولار ەدى. ادامدار جەكە جانە توپتىق ايىرماشىلىقتارعا كوڭىل ءبولىپ جۇرگەندە، ءبىز ادامداردىڭ بىر-بىرىنە قالاي قاتتى ۇقسايتىندارىنا باسا نازار اۋدارامىز»، - دەدى عالىمدار.

ۇسىنعان: گۇلىم جاقان