قازاقستاننىڭ دەنساۋلىق ساقتاۋ ءمينيسترى ەلجان ءبىرتانوۆ ۆەدومستۆونىڭ جۇكتىلىكتىڭ 12-اپتاسىنا دەيىن تىركەۋگە تۇرعان جۇكتى ايەلدەرگە 425 مىڭ تەڭگە بەرىلەتىنى تۋرالى باستاماسىن راستادى دەپ جازادى Qamshy.kz اقپارات اگەنتتىگى.

مۇنداي نورما دەنساۋلىق ساقتاۋ ماسەلەلەرى بويىنشا زاڭ جوباسىندا قاراستىرىلعان. وزگەرتۋلەرگە سايكەس، جۇكتىلىگى بويىنشا تىركەۋگە 12-اپتاعا دەيىن تۇرعان جۇكتى ايەلدەرگە كەمىندە 10 ەڭ تومەنگى جالاقى مولشەرىنىڭ كولەمىندە ماتەريالدىق ىنتالاندىرۋ تولەمىن ەنگىزۋ ۇسىنىلىپ وتىر. «جاڭا كودەكستىڭ اياسىندا ازاماتتاردىڭ دەنساۋلىعىنا جاۋاپكەرشىلىكەن قاراۋىنا باعىتتالعان شارالار كەشەنىن تالقىلاپ جاتىرمىز. بۇگىندە دەنساۋلىق دەڭگەيى بويىنشا احۋال كورسەتكەندەي، وكىنىشكە قاراي، ازاماتتار ءوز دەنساۋلىعىنا جەتكىلىكتى تۇردە جاۋاپكەرشىلىكپەن قاراماي، كوپ جاعدايدا مەديسينالىق قىزمەتكەرلەردىڭ ارالاسۋىن كۇتەدى. ەڭ ءبىرىنشى كەزەكتە، بۇل ىنتالاندىرۋ شاراسى الدىن الۋعا باعىتتالعان»، - دەيدى ەلىمىزدىڭ باس دارىگەرى. 

سونىمەن قاتار، مينيسترلىك ۋاقىتىلى تىركەۋگە تۇرماعانى ءۇشىن اكىمشىلىك ايىپپۇل سالۋدى ۇسىنىپ وتىر. 
بۇگىندە وزگەرتۋلەر قوعامدا تالقىلانىپ جاتىر. زاڭ جوباسى جاز مەزگىلىندە پارلامەنتتە قارالاتىن بولادى.

ۇسىنعان: گۇلىم جاقان