«الماتى» تەلەارناسى 2019 جىلدىڭ 11 ساۋىرىنەن باستاپ «اكىممەن اشىق اڭگىمە» دەپ اتالاتىن جاڭا تەلەجوبانى جۇزەگە اسىرادى. باعدارلاما ءار ەپتانىڭ بەيسەنبىسىندە كەشكى ساعات 19:30-دا تىكەلەي ەفيردەن كورسەتىلەدى. حرونومەتراج – 30 مينۋت.

جوبا اياسىندا الماتىداعى اۋدانداردىڭ اكىمدەرى ءار اپتا سايىن كەزەگىمەن تۇرعىنداردىڭ ساۋالىنا جاۋاپ بەرەدى. باعدارلامانىڭ العاشقى قوناعى – الاتاۋ اۋدانىنىڭ اكىمى شاحمەردەن رىسپايەۆ.

وسىلايشا، ءار اپتانىڭ بەيسەنبى كۇندەرى ءار اۋداننىڭ باسشىسى تىكەلەي ەفيردە حالىقتى مازالاعان ماسەلەلەرگە قاتىستى ءوز جاۋابىن ايتادى. 8 اۋداننىڭ اكىمدەرى ءار 2 اي سايىن تەلەجوبانىڭ قوناعى بولماق.

اكىمگە سۇراق قويۋدىڭ بىرنەشە جولى بار.

تەلەارنانىڭ رەسمي سايتىنا كىرىپ (www.almaty.tv)، «اكىممەن اشىق اڭگىمە» ايدارىن تاڭداڭىز. ساۋالىڭىزدى وسىندا جازىپ قالدىراسىز. سايت وقىرماندارى ەڭ ۇزدىك سۇراقتارعا داۋىس بەرەدى. ەڭ كوپ داۋىس جيناعان 5 سۇراق تىكەلەي ەفير كەزىندە اكىمگە جولدانادى. ال، قالعان ساۋالدار اكىمدىككە جولدانىپ، 10 جۇمىس كۇنى ىشىندە بارلىعىنا جاۋاپ بەرىلەدى.

سونداي-اق، ساۋالدى تىكەلەي ەفير كەزىندە WhatsApp مەسسەندجەرىنە: +7 777 046 33 33 جانە ستۋديا تەلەفونىنا 8(727) 334 00 24 حابارلاسۋ ارقىلى دا قويۋعا بولادى.

تۇرعىن ءۇي كوممۋنالدى شارۋاشىلىعى جانە جول پروبلەمالارى، الەۋمەتتىك ماسەلەلەر جانە تۇرعىنداردى مازالاعان وزگە دە سۇراقتاردىڭ جاۋابىن تىكەلەي ەفيردە اكىمنەن سۇرايمىز. سۇراق بەرۋشىگە تەك ءبىر عانا تالاپ بار: ول كوتەرگەن ماسەلە ناقتى سول اكىم باسقاراتىن اۋدانعا قاتىستى بولۋى ءتيىس. دەمەك، 11 ساۋىرگە دەيىن الاتاۋ اۋدانىنىڭ تۇرعىندارى ماڭىزدى پروبلەمالارىن تەلەارناعا جولداي الادى.

ايتا كەتەيىك، بيلىك پەن حالىق اراسىنداعى بايلانىستى نىعايتۋدى مەملەكەت باسشىسى قاسىم-جومارت توقايەۆ تاپسىرعان بولاتىن. «الماتى» تەلەارناسىنىڭ جاڭا جوباسى وسى تاپسىرمانى ورىنداۋعا باعىتتالىپ وتىر.