ديماش قۇدايبەرگەن رەسەيدىڭ اتاقتى پريمادونناسى اللا پۋگاچيەۆانىڭ شىعارماشىلىق كونسەرتىندە ونەر كورسەتتى دەپ حابارلايدى Qamshy.kz اقپارات اگەنتتىگى قازاق ونەرپازىنىڭ ۆكونتاكتە جەلىسىندەگى فان-كلۋبىنىڭ پاراقشاسىنا سىلتەمە جاساپ. 

ديماش اللا پۋگاچيەۆانىڭ "ليۋبوۆ، پوحوجايا نا سون" ءانىن پروديۋسەر جانە كومپوزيتور يگور كرۋتويدىڭ سۇيەمەلدەۋىمەن كەرەمەت دەڭگەيدە ورىندادى. 

الەۋمەتتىك جەلىلەردە ديماشتىڭ كونسەرتتە ءان ايتقان ۆيدەوسى جاريالانىپ، قازاق كۇمىس كومەيىنىڭ ونەرىنە تاڭ-تاماشا بولىپ، ەرەكشە قۇرمەتتەيتىن وقىرماندار، تىڭدارماندار تاراپىنان اقجارما تىلەكتەرگە تولى پىكىرلەر كوپتەپ جازىلىپ جاتىر.

ەسكە سالا كەتسەك، ناۋرىز ايىنىڭ 22-23 كۇندەرى ديماش ماسكەۋدىڭ اتاقتى كرەملىندە ءوزىنىڭ جەكە كونسەرتىن بەرىپ، كونسەرت انشلاگپەن وتكەنىن ب ا ق وكىلدەرى، تەلەارنالار جارىسا جازىپ، كورسەتكەن بولاتىن. 

ۇسىنعان: ماقپال سەمباي