قازاقستاننىڭ ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆتىڭ ۇلى جانسۇلتان ساپاربايەۆ نۇر-سۇلتان قالاسى ەسىل اۋدانى اكىمىنىڭ ورىنباسارى قىزمەتىنە تاعايىندالدى. بۇل تۋرالى ەلوردا اۋدانى اكىمدىگىنىڭ سايتىندا جازىلعان دەپ حابارلايدى Qamshy.kz اقپارات اگەنتتىگى.

جانسۇلتان بەردىكبەك ۇلى ساپاربايەۆ 1991 جىلدىڭ 8 ساۋىرىندە دۇنيەگە  كەلگەن. ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىن "حالىقارالىق قاتىناستار" ماماندىعى بويىنشا ءبىتىردى، گۋمانيتارلىق عىلىمدار ماگيسترى دارەجەسى بار.

2012-2014 جىلدارى "قازاقمىس كورپوراسياسى" جشس-دە ءارتۇرلى لاۋازىمداردى يەلەنگەن.

2015 جىلى "بايتەرەك" ۇلتتىق باسقارۋشى حولدينگى" اق باسقارما ءتوراعاسىنىڭ كەڭەسشىسى – حاتشىلىق باسشىسى بولىپ تاعايىندالدى.

2016 جىلى "قازىنا كاپيتال مەنەدجمەنت" اق باسقارۋشى ديرەكتورى بولعان.

مەملەكەتتىك قىزمەتتەگى مانسابىن 2016 جىلى قازاقستان رەسپۋبليكاسىنىڭ ۇلتتىق ەكونوميكا ءمينيسترىنىڭ كەڭەسشىسى بولىپ باستادى.

2017 جىلى ۇلتتىق ەكونوميكا مينيسترلىگى وڭىرلەردى ساراپتاۋ جانە باعالاۋ دەپارتامەنتى ءوڭىرارالىق ىنتىماقتاستىق باسقارماسىنىڭ باسشىسى بولعان.

2018 جىلى نۇر-سۇلتان قالاسى سارىارقا اۋدانى اكىمىنىڭ اپپاراتىن باسقاردى.

ۇسىنعان: فاريزا جومارت قىزى