مەملەكەت باسشىسىنىڭ وكىمىمەن باۋىرجان جۇماحان ۇلى وماروۆ قازاقستان رەسپۋبليكاسى پرەزيدەنتىنىڭ كەڭەسشىسى قىزمەتىنە تاعايىندالدى. بۇل جۋرناليستەر قاۋىمى ءۇشىن وتە جاعىمدى جاڭالىق.  ەڭ باستى ايتپاعىمىز –قاسىم-جومارت توقايەۆتىڭ ماڭايىنا ءقازاقتىلدى، ۇلتجاندى، مەملەكەتتىك تىلدە ەركىن سويلەيتىن، ازات ويلى ازاماتتار جينالا باستادى.

قازاق ادەبيەتى مەن جۋرناليستيكاسىندا وزىندىك ورنى بار باۋىرجان جۇماحانۇلىن جالپى قاۋىمعا تانىستىرىپ جاتۋدىڭ ءوزى  ارتىق. جالىندى جاستىق شاعىندا جۋرناليستيكانىڭ باستاۋىن «جاس الاشتان» باستاعان ول قالاي جازۋدى، ءقايتىپ جازۋدى، نەگە جازۋدى جاس  تىلشىلەرگە ۇيرەتتى. جۋرناليستيكادا باۋىرجان وماروۆتىڭ وزىندىك جازۋ مەكتەبى قالىپتاستى. ونىڭ قولتاڭباسى قالامگەر قاۋىمعا جاقسى تانىس. ول شەبەر جۋرناليست، مىقتى قالامگەر، پاراساتتى ۇستاز، تەرەڭ ءبىلىمدى ادەبيەتشى عالىم جانە مەملەكەتشىل ازامات.

وماروۆ – جادى مىقتى جۋرناليست. قىرىق جىلعى دەرەكتەر مەن وقيعالاردى قۇلپىرتا بايانداپ، شىنايى جازۋدىڭ اسقان شەبەرى. ول – مىقتى باس رەداكتور.

باۋىرجان جۇماحان ۇلىنىڭ باس رەداكتورلىعى «ايقىن» گازەتىن  باسقارعان ۋاقىتتا ايرىقشا كورىندى. گازەتتىڭ ەكىنشى تىنىسى اشىلدى. باسىلىمدا بۇرىن-سوڭدى بولماعان تاقىرىپتار كوتەرىلدى. ماقالالار وزەكتىلىگىمەن ەرەكشەلەندى.

 «ايقىن» گازەتىندە ماعان باۋكەڭنىڭ ورىنباسارى بولۋ باقىتى بۇيىردى. باۋكەڭمەن بىرگە جۇمىس ىستەۋ وڭاي ءارى قيىن. وڭايلىعى – ونىڭ تياناقتى ءارى  تىنىمسىز، توقتاۋسىز جۇمىس ىستەيتىنىندە. ويتكەنى ءوزىڭ دە ۇنەمى باۋكەڭە ۇقساپ، سەرپىندى كەيىپتە جۇرەسىڭ. قيىندىعى – ونىڭ ۇنەمى جاۋاپكەرشىلىكتى سەزىنىپ جۇرەتىندىگى. ال باسشىڭ تياناقتى بولسا، سەنىڭ تياناقسىز بولۋىڭ مۇمكىن ەمەس.

جۋرناليستيكادا، جالپى ادەبي  ورتادا  «باۋىرجان وماروۆتىڭ افوريزمدەرى» دەگەن جالپاق ۇعىمعا اينالىپ كەتكەن ءسوز تىركەسى بار. ونىڭ ءوزىن جيناق ەتىپ شىعارسا،  ءبىر تومعا جۇك ەتۋگە بولادى.

ول بارىنە ۇلگەرەدى. جەدەل ءارى ۇقىپتى جۇمىس ىستەيدى. وتە ساۋاتتى. ەڭ كوكەيگە قوناتىنى –تازا ادام. جۇمىستا قاتال، ءبىراق ادىلەتتى. سول ءۇشىن ونى اينالاسىنداعىلار سىيلايدى. باسقا قىزمەتكە كەتىپ، جۇمىس اۋىستىرىپ جاتسا دا، ول تۋرالى جاعىمدى جىلى اڭگىمەلەر تىزبەگى جالعاسا بەرەدى.

باۋكەڭدى بىلگىڭ كەلسە،  تانىعىڭ كەلسە، ونىڭ «قاراتەرەڭ ءۆالسى»،  «11 –ءشى قالامۇش» ەڭبەگىن وقىڭىز.

سونىمەن بۇگىن باۋىرجان جۇماحان ۇلى وماروۆ پرەزيدەنت كەڭەسشىسى بولىپ تاعايىندالدى. بۇل بەلەستەگى قيىن جۇمىستى وماروۆ ويداعىداي ادال اتقاراتىنىنا  بەك سەنىمدەمىز.

...باۋكەڭ تۋرالى  اڭگىمە مۇنىمەن بىتپەك ەمەس.

***

پرەزيدەنت كەڭەسشىسى تۋرالى كەرەك دەرەك

باۋىرجان جۇماحان ۇلى وماروۆ 1962 جىلى 1 مامىردا قىزىلوردا وبلىسى ارال اۋدانى قاراتەرەڭ اۋىلىندا دۇنيەگە كەلگەن. فيلولوگيا عىلىمدارىنىڭ دوكتورى (2001)، پروفەسسور (2002)، قازاقستان رەسپۋبليكاسى ۇلتتىق عىلىم اكادەمياسىنىڭ كوررەسپوندەنت-مۇشەسى (2013).
1986 جىلى قازمۋ-دىڭ جۋرناليستيكا فاكۋلتەتىن (قازىرگى قازۇۋ)، 1998 جىلى ماسكەۋ حالىقارالىق بيزنەس جانە اقپاراتتىق تەحنولوگيالار ۋنيۆەرسيتەتىن، 2006 جىلى ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىن ءتامامداعان.
1986-1994 جىلدارى «لەنينشىل جاس» (قازىرگى «جاس الاش») گازەتىنىڭ ءتىلشىسى، اعا ءتىلشىسى، اۋدارماشىسى، ءبولىم مەڭگەرۋشىسى، 1994-1996 جىلدارى قازۇۋ-دىڭ اعا وقىتۋشىسى، 1998–2000 جىلدارى اعا عىلىمي قىزمەتكەرى (دوكتورانت)، 2002-2003 جىلدارى پروفەسسورى، 1996-1997 جىلدارى قىزىلوردا مەملەكەتتىك ۋنيۆەرسيتەتىنىڭ پرورەكتورى، 1997-1998 جىلدارى قىزىلوردا قالاسى اكىمىنىڭ ورىنباسارى – قىزىلوردا ارنايى ەكونوميكالىق ايماعى اكىمشىلىك كەڭەسى ءتوراعاسىنىڭ ورىنباسارى، 2000-2003 جىلدارى قازاقستان بعم م.اۋەزوۆ اتىنداعى ادەبيەت جانە ونەر ينستيتۋتىنىڭ اعا عىلىمي قىزمەتكەرى، ءبولىم مەڭگەرۋشىسى، 2001-2002 جىلدارى «قاينار» ۋنيۆەرسيتەتىنىڭ پروفەسسورى، 2003-2006 جىلدارى ق ر مادەنيەت مينيسترلىگىنىڭ تىلدەردى دامىتۋ دەپارتامەنتىنىڭ ديرەكتورى، ق ر مادەنيەت، اقپارات جانە سپورت مينيسترلىگى ءتىل كوميتەتىنىڭ ءتوراعاسى، 2006-2009 جىلدارى "ليتەر-Media" ج ش س اتقارۋشى ديرەكتورى، «استانا حابارى» گازەتى باس رەداكتورىنىڭ ءبىرىنشى ورىنباسارى، «ايقىن» گازەتىنىڭ باس رەداكتورى، قىزىلوردا وبلىسى اكىمى اپپاراتىنىڭ جەتەكشىسى، «قازاق گازەتتەرى» ج ش س باس ديرەكتورى، 2009-2013 جىلدارى ق ر مادەنيەت جانە اقپارات مينيسترلىگى اقپارات جانە مۇراعات كوميتەتى ءتوراعاسىنىڭ ورىنباسارى، اقپارات جانە مۇراعات كوميتەتىنىڭ ءتوراعاسى، ق ر مادەنيەت مينيسترلىگى ءتىل كوميتەتىنىڭ ءتوراعاسى. ق ر پرەزيدەنتى باسپا ءسوز قىزمەتىنىڭ سەكتور مەڭگەرۋشىسى قىزمەتتەرىن اتقاردى. 2013 جىلدان باستاپ – ق ر پرەزيدەنتى باسپا ءسوز حاتشىسىنىڭ ورىنباسارى. 
عىلىمي-زەرتتەۋ سالاسى - ادەبيەتتانۋ. 1993 جىلى اباي اتىنداعى الماتى مەملەكەتتىك پەداگوگيكالىق ۋنيۆەرسيتەتىندە "مۇرات موڭكە ۇلىنىڭ ادەبي مۇراسى" اتتى تاقىرىپتا كانديداتتىق ديسسەرتاسيا قورعادى. 2001 جىلى م.اۋەزوۆ اتىنداعى ادەبيەت جانە ونەر ينستيتۋتىندا «قازاق ادەبيەتىندەگى زار زامان اعىمى (گەنەزيس، تيپولوگيا، پوەتيكا)» دەگەن تاقىرىپتا دوكتورلىق ديسسەرتاسيا قورعادى. مۇرات موڭكە ۇلىنىڭ شىعارمالارىن، قازاق ادەبيەتىندەگى زار زامان اعىمىن، ەجەلگى ادەبيەت ماسەلەلەرىن زەرتتەدى.
100-دەن استام عىلىمي جاريالانىم مەن 10 عىلىمي جانە پۋبليسيستيكالىق كىتاپتاردىڭ اۆتورى.