كولەمى نيۋ-يورك قالاسىنان ۇلكەن الىپ ايسبەرگ جاقىن ارادا برانت مۇزدىعىنان بولىنگەلى تۇر. مۇزتاۋدا ورنالاسقان زەرتتەۋ ستانسياسى زالالسىزداندىرىلىپ، وزگە ايماققا كوشتى. ويتكەنى، ءقاۋىپ دەڭگەيى ەڭ جوعارى دارەجەگە جەتكەن.

برانت مۇزتاۋىنان بولىنەتىن ايسبەرگتىڭ جالپى كولەمى 1500 شارشى مەتردى قۇراسا، قالىڭدىعى 150-200 مەتردەن تۇرادى.

35 جىلدان بەرى قايتالانباعان برانت مۇزتاۋىنداعى جارىلىستى بايقاعان عالىمدار بۇل ايماقتى 2012 جىلدان بەرى ۇزدىكسىز باقىلاۋعا العان-دى. مۇزتاۋ اراسىنداعى سىزات ۋاقىت وتكەن سايىن ۇلعايا بەردى، ال 2016 جىلى ەكىنشىسى پايدا بولعان. ەكىنشى سىزات ءبىرىنشى جارىلىسقا پەرپەنديكۋليار باعىتتا كەلە جاتىر. عالىمداردىڭ بولجاۋىنشا، قوس سىزات الداعى ەكى اي كولەمىندە جولىعادى. ال قوس جارىقشاق جولىقسا، مۇزتاۋدىڭ جوعارىدا كورسەتىلگەن كولەمدى ايماعى ءبولىنىپ، ايسبەرگكە اينالادى.

برانت مۇزتاۋىندا ورنالاسقان "حاللي" زەرتتەۋ ستانسياسى 23 شاقىرىمعا دەيىن ىشكەرىلەپ بارىپ ورنالاسقان.

زەرتتەۋشى مامانداردىڭ مالىمەتىنە سۇيەنسەك، مۇزتاۋلاردىڭ ايىرىلۋى دۇنيەجۇزىلىك جىلۋ ۇدەرىسىنىڭ ىقپالىنان ەمەس. بۇل – ءداۋىر وتە كەلە وزدىگىنەن ورىن الاتىن تابيعي قۇبىلىس.