مادەنيەت جانە سپورت مينيسترلىگى «قازاقكونسەرت» مەملەكەتتىك كونسەرتتىك ۇيىمىنىڭ ديرەكتورى جەڭىس سەيدۋللا ۇلىنىڭ بۇيرىعىمەن ءمولدىر اۋەلبەكوۆا شىعارماشىلىق قىزمەتتىڭ باسشىسى بولىپ تاعايىندالدى. بۇل تۋرالى مادەنيەت جانە سپورت مينيسترلىگىنىڭ باسپا ءسوز حاتشىسى ايدار قىرىقباي فەيسبۋك پاراقشاسىندا ءمالىم ەتتى.
«ەسترادا، كلاسسيكا، فولكلور، تەاتر باعىتىنداعى ەلىمىزدىڭ ۇزدىك شىعارماشىلىق ۇجىمدارىن ءبىر ارناعا توعىستىرىپ، قازاق ونەرىنىڭ قاراشاڭىراعىنا اينالعان «قازاقكونسەرتتىڭ» شىعارماشىلىق قىزمەتىنە ەندى ءمولدىر اۋەلبەكوۆا باسشىلىق جاسايدى.
بۇدان بۇرىن ول «قازاقكونسەرتتىڭ ەسترادالىق توپتارىنا جەتەكشىلىك ەتىپ، شىعارماشىلىق ىزدەنىستەرىندە جاڭا يدەيالار مەن تىڭ باستامالارعا بەيىم ەكەندىگىن كورسەتتى. ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ تۇلەگى 2011 جىلى ەسترادالىق ونەر ماگيسترى اتانعان. ​ ​
ءمولدىر ەسىركەپ قىزىنىڭ شىعارماشىلىق جولى تالانت، كاسىبيلىك شەبەرلىك، تىنىمسىز ەڭبەك ناتيجەسىندە بيىك بەلەستەردى باعىندىرۋعا بولاتىنىن دالەلدەيدى. رەسپۋبليكالىق جانە حالىقارالىق بايقاۋلاردىڭ لاۋرەاتى، تانىمال ءانشى، اكتريسا ءارى جاس پروديۋسەر رەتىندە ءمولدىر اۋەلبەكوۆا قازاق ەسترادا ونەرىنىڭ دامۋىنا ەلەۋلى ۇلەس قوسۋدا. ​ ​
مادەنيەت جانە ونەر سالاسىنداعى جوعارى جەتiستiكتەرi ءۇشiن 2018 جىلى «قۇرمەت» وردەنىنىڭ يەگەرى اتاندى. ​ ​
ەلىمىزدىڭ مادەني كەڭىستىگىندە وزىندىك ورنى بار كاسىبي ونەر يەسى رەتىندە ءمولدىر اۋەلبەكوۆا جاڭا قىزمەتتە ابىروي بيىگىنەن كورىنىپ، شىعارماشىلىق سالادا بيىك اسۋلاردى باعىندىراتىنىنا سەنەمىز».