الماتىدا "دوستىق" ۇيىندە قازاقستان قازاقستان حالقىنىڭ بىرلىگى كۇنىنە ارنالان «دوستىق داستارحانى» اتتى تاعامدار فەستيۆالى ءوتتى.
شارانى قازاستان حالقى اسسامبلەياسى اياسىندا قازاقستان پرەزيدەنتى جانىنداعى «قوعامدىق كەلىسىم» رمك، رەسپۋبليكالىق جانە ەتنومادەني بىرلەستىكتەرى ۇيىمداستىردى. فەستيۆال ءارتۇرلى ەتنوستاردىڭ ۇلتتىق تاامدارىمەن تانىسۋ ارقىلى مادەنيەتارالىق تۇسىنىستىكتى نىعايتۋدى كوزدەيدى.
ايتا كەتەر بولساق، بۇل – جاستاردى ەتنوستاردىڭ تاماقتانۋ مادەنيەتىمەن جانە قوناقجايلىلىعىمەن تانىستىرۋدىڭ زور مۇمكىندىگى.
«دوستىق داستارقانى» فەستيۆالىنە قازاقستان حالقى اسسامبلەياسى ءتوراعاسىنىڭ ورىنباسارى – حاتشىلىق مەڭگەرۋشىسى جانسەيىت تۇيمەبايەۆ قاتىستى. سونداي-اق پارلامەنت ءماجىلىسىنىڭ، الماتى قالالىق ءماسليحاتىنىڭ دەپۋتاتتارى، زيالى قاۋىم مەن ەتنو مادەني بىرلەستىكتەردىڭ وكىلدەرى دە بولدى.
ءىس-شارانىڭ ماقساتى – قاتىناسۋ مەن ىنتىماقتاستىق مادەنيەتىن قالىپتاستىرۋ، قازاقستاندا تۇراتىن ەتنوستاردىڭ اسپازدىق داستۇرلەرى ەرەكشەلىكتەرىمەن تانىستىرۋ ارقىلى ءتۇرلى ەتنوستاردىڭ سالت-داستۇرلەرىن قۇرمەتتەۋ.
فەستيۆالدە تاعامداردىڭ كورمەسى مەن ءدام تاتۋ، سونداي-اق، تاعامداردىڭ ازىرلەنۋ ادىستەرى، دەنساۋلىققا پايدالى تۇستارى ايتىلدى.
شاراعا جينالعاندار ءتۇرلى ۇلتتىڭ داستارقانىنان ءدام تاتىپ، ونەرپازداردىڭ تالانتىنا ءتانتى بولدى.
پىكىر قالدىرۋ