ماxامبەت اتىنداعى اكادەميالىق قازاق دراما تەاترىندا وتان قورعاۋشىلار كۇنىنە ارنالعان مەرەكەلىك شارا ۇيىمداستىرىلدى، - دەپ xابارلايدى Qamshy.kz اقپارات اگەنتتىگى اتىراۋ وبلىسىنىڭ وڭىرلىك كوممۋنيكاسيالار قىزمەتىنىڭ دەرەگىن نەگىزگە الىپ.

تاۋەلسىز قازاقستاننىڭ قارۋلى كۇشتەرىنە بيىل 27 جىل. مەرەكەلىك شاراعا ق ر پارلامەنتى ءماجىلىسىنىڭ دەپۋتاتتارى باقتىقوجا ىزمۇحامبەتوۆ پەن اباي تاسبولاتوۆ، اتىراۋ وبلىسىنىڭ اكىمى نۇرلان نوعايەۆ قاتىستى.

— بۇگىن قاسيەتتى تاۋەلسىزدىگىمىزدى، اتا-بابالارىمىزدان قالعان ۇلان-بايتاق جەرىمىزدى، xالقىمىزدىڭ تىنىشتىعىن، ىرىس-بەرەكەسىن ءمىز باقپاستان، كىرپىك قاقپاستان قورعايتىن وتان قورعاۋشىلارىمىزدىڭ ءتول مەرەكەسى. ەلىمىزدىڭ مۇددەلەرىن اۋەدە، تەڭىزدە، قۇرلىقتا قورعايتىن قارۋلى كۇشتەرىمىز قاتاردا. قاندايدا ءبىر اسكەردىڭ الدىنا قويعان تاپسىرماسىن ورىنداۋدا ونىڭ ساقاداي ساي بولۋىنا تەك ماتەريالدىق-تەxنيكالىق بازا، قارۋ-جاراق قانا ەمەس، سونىمەن قاتار، جاۋىنگەرلىك رۋx قاجەت. ەلىمىزگە قوسىپ جاتقان ۇلەستەرىڭىز ەلەۋلى. قازىرگى تاڭدا قاتارداعى جاۋىنگەرلەرگە، ارىپتەستەرىمە جانە وسكەلەڭ ۇرپاققا ءوز اتىمنان ريزاشىلىعىمدى بىلدىرەمىن،- دەدى ايماق باسشىسى نۇرلان نوعايەۆ. مەرەكەلىك شارا كونسەرتكە ۇلاستى.

ايتا كەتەيىك، 2012 جىلى قازاقستان رەسپۋبليكاسىنىڭ قارۋلى كۇشتەرىنىڭ 20 جىلدىعىنا وراي ەلباسى نۇرسۇلتان نازاربايەۆ 7 مامىردى وتان قورعاۋشىلار كۇنى رەتىندە بەلگىلەپ، مەملەكەتتىك مەرەكەلەر قاتارىنا قوسقان بولاتىن.

ۇسىنعان: اسەل بولات قىزى