ءبىرىنشى ارنا قازاقستاندىق ونەرپاز ەرجان ماكسيم ەكىنشى ورىن العان رەسەيدىڭ "گولوس.دەتي" بايقاۋىنىڭ ناتيجەسى جوققا شىعارىلعانىن مالىمدەدى دەپ حابارلايدى Qamshy.kz اقپارات اگەنتتىگى ria.ru سايتىنا سىلتەمە جاساپ.
فينالدا رەسەيلىك ءانشى السۋدىڭ قىزى ميكەللا جەڭىمپاز اتانعان "گولوس. دەتي" جوباسىنىڭ التىنشى ماۋسىمىنىڭ داۋىس ناتيجەسىن تەكسەرۋ بارىسىنا ناتيجە بۇرمالانعانى انىقتالدى.
""گولوس.دەتي" جوباسىنىڭ التىنشى ماۋسىمىنداعى كورەرمەندەر داۋىسىن باسقارۋعا تىرىسقان ارەكەت بايقاۋداعى ءبىرىنشى ءارى سوڭعى جايت بولۋى ءتيىس" دەلىنگەن مالىمدەمەدە.
بايقاۋدىڭ جەڭىمپازى كىم بولاتىنىن 24 مامىر كۇنگى ارنايى شىعارىلىمدا كورسەتەتىن بولادى دەپ حابارلادى ريا جاڭالىق ءبىرىنشى ارنانىڭ باسپا ءسوز قىزمەتىندە.
"ارنايى شىعارىلىمعا بايقاۋدىڭ ءۇش قاتىسۋشىسىن دا شاقىرتتىق. سەبەبى، 26 ساۋىردەگى ناتيجە كۇشىن جويدى. دەمەك، جەڭىمپاز ورنى بوس دەگەن ءسوز. ارنايى شىعارىلىم وسى ماۋسىمنىڭ سوڭعى نۇكتەسىن قويادى"، — دەدى اگەنتتىكتىڭ كەڭەسشىسى.
ارنايى شىعارىلىمدا نە كورسەتەدى، قايتادان داۋىس بەرىلە مە، ول تۋرالى تەلەارنا ناقتى جاۋاپ ايتپادى. "24 مامىر كۇنى نە بولاتىنىن بۇكىل الەم تىكەلەي ەفيردە كورەتىن بولادى" - دەدى باسپا ءسوز قىزمەتى.
ەسكە سالساق، ءساۋىر ايىنىڭ سوڭىندا "گولوس.دەتي" بايقاۋىنىڭ فينالى بولعان ەدى. سۆەتلانا لوبودانىڭ توبىنداعى السۋدىڭ قىزى ميكەللا جالپى داۋىستىڭ 56،5 پايىزىن جيناپ، جەڭىمپاز اتانعان. ونىمەن بىرگە جەڭىمپاز اتاۋىنا ۆالەريا كۋزاكوۆ پەن ەرجان ماكسيم دە كۇرەسكەن ەدى. كورەرمەندەر ناتيجەگە تاڭدانىسپەن قاراپ، الەۋمەتتىك جەلىدە قىزۋ تالقىعا سالدى.
ءبىرىنشى ارنا كورەرمەندەر داۋىسىنا بىرەۋلەر ىقپال ەتكەنىن مويىنداپ، "ناتيجەنى قايتا قارايمىز" دەپ حابارلادى.
Group-IB حابارلاعانداي، ميكەللا ابراموۆانىڭ ءنومىرى – 7 سانىنا شەكتەن تىس كوپ مولشەردە سمس حابارلاما اۆتوماتتى تۇردە جىبەرىلىپ وتىرعان. 300 شاقتى تەلەفون نومىرىنەن 8 مىڭنان استام حابارلاما ءتۇسىپتى. Group-IB تاراپىنان تەكسەرۋ ءالى دە جالعاسىپ جاتىر. تەكسەرۋ ايدىڭ سوڭىندا اياقتالادى.
ۇسىنعان: ماقپال سەمباي
