28 ماۋسىمدا قازاقستاندىق جاس ءانشى ەرجان ماكسيم نۇر-سۇلتان قالاسىندا جەكە ءان كەشىن بەرەدى دەپ حابارلايدى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساپ.

"28 ماۋسىمدا "قازاقستان" ورتالىق كونسەرت زالىندا ەرجان ماكسيمنىڭ كونسەرتى وتەدى"، - دەدى بريفينگتە مادەنيەت جانە سپورت ءمينيسترى ارىستانبەك مۇحامەدي ۇلى.

جاس دارىننىڭ شىعارماشىلىق كەشىن مادەنيەت جانە سپورت مينيسترلىگى ۇيىمداستىرىپ جاتىر.

كونسەرتتە، سونىمەن قاتار، ءانشى ساكەن مايعازييەۆ، ءمولدىر اۋەلبەكوۆا، رەنات گايسين، ايقىن تولەپبەرگەن ونەر كورسەتەدى دەگەن جوسپار بار.

ەسكە سالساق، ەرجان ماكسيم رەسەيدىڭ "گولوس.دەتي" جوباسىنىڭ التىنشى ماۋسىمىنا قاتىسىپ، ەكىنشى ورىن العان ورالدان شىققان ونەرپاز بولاتىن. الايدا، داۋىس بەرۋ كەزىندە زاڭسىز ارەكەتتەر ورىن العاندىقتان، ءبىرىنشى ارنا بايقاۋ ناتيجەسى كۇشىن جويعانىن مالىمدەدى. 

وقي وتىرىڭىز، ♦ءبىرىنشى ارنا "گولوس.دەتي." بايقاۋى ناتيجەسىنىڭ كۇشىن جويدى

ۇسىنعان: ماقپال سەمباي