ديماشتىڭ ۋكراينالىق جانكۇيەرى قازاق حالقى تۋرالى پىكىر ءبىلدىردى دەپ جازادى Qamshy.kz اقپارات اگەنتتىگى. بۇل تۋرالى ول ءوزىنىڭ فەيسبۋك پاراقشاسىنا جازعان. 

ول قازاق حالقىن قاتتى جاقسى كورەتىنىن جازىپ، العىس ءبىلدىردى.

"سەزىمىمدى ىشكە ساقتاي المادىم. مەنى مۇنداي كۇيگە تۇسىرگەن، ارينە، ديماش. سەبەبى كوز تارتارلىقتاي كەلبەتى مەن عاجاپ داۋسى بار ديماشتىڭ – ۇلتى قازاق. مەنى قازاق حالقى تاڭعالدىردى. ءيا، ولاردىڭ ءسالت-داستۇرى، اندەرى قۇلاققا جاعىمدى، ۇلتتىق كيىمدەرى كوز تارتارلىقتاي ادەمى. ءبىراق قازاقتاردىڭ كوپشىلىگىمىز بايقاي بەرمەيتىن ءبىر عاجابى بار. ول قازاقتاردىڭ دانالىعىندا، ءار ويۋ-ورنەگىنىڭ تەرەڭ ءمان-ماعىناعا يە بولۋىندا. سونداي-اق، قازاقتار وتە مادەنيەتتى حالىق. بىرنەشە ۇلت وكىلدەرىمەن بىرگە ناسىلشىلدىككە بولىنبەي، ءتاتۋ-تاتتى تۇرىپ جاتقان ولار قانداي دانا ەدى؟! وزگە ۇلتتىڭ دا مادەنيەتىن قۇرمەتتەيدى، ءبىراق ءوز مادەنيەتىن، ۇلتتىق قۇندىلىعىن ۇمىتپايدى. بۇل قازاقتارعا عانا ءتان قاسيەت شىعار. وزدەرىنە سەنىمدى، مادەنيەتتى ءارى تاربيەلى. ديماش قازاق حالقىنىڭ ارتىقشىلىقتارى تۋرالى كوپ ايتاتىن. 

سونداي-اق، قازاقتار كەشىرىمدى حالىق. بۇل بارلىق ادامعا بەرىلگەن قاسيەت ەمەس. ولار وكپە-رەنىشىن ىسىرىپ قويىپ، مارتتىك تانىتا الادى، مەيىرىمدى بولا الادى. مۇنىڭ قۇپياسىمەن بولىسسە، بارلىق ادامنىڭ كادەسىنە جارار ەدى. 

سونداي-اق ولار بالاجاندى بولىپ كەلەدى. قازاقتار بالالارىن الاقانىنا سالىپ، ايالاپ وسىرەدى. ماعان قازاقستانداعى كىشكەنتاي بالالاردىڭ كيىنگەنى قاتتى ۇنايدى. ولار وزدەرىنە كيىم الماسا دا، بارىن بالالارىنىڭ اۋزىنا توسىپ وتىرادى. باسقا دا كوپتەگەن جاقسى قاسيەتتەرى بار. 

مەنىڭشە، ديماشتىڭ بارلىق جانكۇيەرلەرى قازاق بولعان شىعار. ءوزىڭدى الەمگە ديماشتاي ۇلدى سىيلاعان قازاق سەكىلدى سەزىنۋدىڭ ءوزى كەرەمەت سەزىم ەمەس پە؟!"، -دەپ جازدى ۋكراينالىق گالينا ۆيلۆوۆسكايا. 

اۋدارعان: اسەل بولات قىزى