ۇلتتىق تەستىلەۋ ورتالىعى باسشىلارىنىڭ پارامەن ۇستالۋىنا قاتىستى مالىمدەمە جاساعان ءبىلىم ءمينيسترى وتستاۆكاعا كەتۋ ويىندا جوق ەكەنىن مالىمدەدى دەپ حابارلايدى Qamshy.kz اقپارات اگەنتتىگى كتك تەلەارناسىنا سىلتەمە جاساپ.
"قىلمىستىق ءىس قوزعالىپ، تەرگەۋ ءجۇرىپ جاتىر. سول سەبەپتى، ونىڭ قورىتىندىسىن كۇتۋىمىز كەرەك. ال وتستاۆكاعا كەتۋ جايلى ايتارىم: وزدەرىڭىز بىلەسىزدەر، مينيستر قىزمەتىنە كىرىسكەنىمە نەبارى ءۇش اي عانا بولدى. سوندىقتان سۇراعىڭىز ورىنسىز دەپ ويلايمىن"، - دەدى كۇلاش ءشامشيدينوۆا جۋرناليستەردىڭ ساۋالىنا.
بۇعان دەيىن پرەزيدەنت قاسىم-جومارت توقايەۆ قىزمەتكەرلەرى پارامەن ۇستالسا، ءبىرىنشى باسشى وتستاۆكاعا كەتۋى كەرەكتىگىن ايتقان ەدى. كەيىن ىلە-شالا ءبىلىم جانە عىلىم مينيسترىلىگىنە قاراستى ۇلتتىق تەستىلەۋ ورتالىعىنىڭ بۇرىنعى باس ديرەكتورى پارا رەتىندە شەتەلدىڭ 9 ميلليون تەڭگە تۇراتىن قىمبات كولىگىن الدى دەگەن كۇدىككە ءىلىندى. ول ورتالىقتى 2016-2017 جىلداردىڭ ارالىعىندا باسقارعان. ودان كەيىن تاعايىندالعان رامازان ءالىمقۇلوۆ تا سوت شەشىمىمەن ەكى ايعا قاماۋعا الىندى. تەرگەۋ مالىمەتتەرىنە قاراعاندا، ول 2017-2018 جىلدارى دەلدال ارقىلى جۇيەلى تۇردە اۋىزباستىرىق الىپ وتىرعان.
ۇسىنعان: مارجان سابەت
