قازاقستاندىق 6 جاسار بالالاردىڭ اتا-انالارى ولاردى ءبىرىنشى سىنىپقا بەرمەسە، 5-تەن 10 اەك-كە (12 625 - 25 250 تەڭگە) دەيىن ايىپپۇل سالىنۋى مۇمكىن دەپ حابارلايدى Qamshy.kz اقپارات اگەنتتىگى ktk.kz سايتىنا سىلتەمە جاساپ.

بۇل تۋرالى ءبىلىم جانە عىلىم ۆيسە-مينيسترى ەلميرا سۋحانبەردييەۆا مالىمدەدى.

ءمينيستردىڭ ورىنباسارىنىڭ سوزىنشە، باستاپقىدا مينيسترلىك مۇنداي اتا-انالارعا ەسكەرتۋ جاسايدى. ارتىنشا قاتاڭ شارالار قولدانىلا باستايدى.

سۋحانبەردييەۆا 6 جاسار بالالاردىڭ اتا-انالارىن ۋاقىتىنان بۇرىن ۋايىمداماۋعا شاقىردى. بالالاردىڭ ءبارى وقۋ باعدارلاماسىن يگەرە الادى، دەيدى ول. 

ۆيسە-مينيستردىڭ سوزىنشە، 6 جاسار بالالاردىڭ 70 پايىزىنان استامى وقۋشىلار قاتارىن تولتىرعان. بعم ەلىمىزدەگى بارلىق مەكتەپكە بالاباقشا مەن شاعىن ورتالىقتارعا بارماعان بالالاردى دايىنداۋعا ارنالعان 3 اپتالىق كۋرس ەنگىزۋدى جوسپارلاپ وتىر. 

"اتا-انالاردىڭ ءبارى جاقسىلاپ ويلانادى دەپ ويلايمىن. بالالاردىڭ 7 جاسىنان باستاپ مەكتەپكە بارۋىن تالاپ ەتەتىن اتا-انالار بار. ءبىراق ولار از. الايدا بارلىق اتا-انانى تاعى دا تىنىشتاندىرعىم كەلەدى. بۇل ادەتتەگى تاجىريبە، اتا-انالار ۋايىمداماسا بولادى. جاڭارتىلعان باعدارلاما بالانىڭ وقۋعا ەنىپ كەتۋىنە بارىنشا ىڭعايلى، ءار بالانىڭ ەرەكشەلىگى ەسكەرىلەتىندەي ەتىپ دايىندالعان. سوندىقتان مۇندا ەشقانداي پروبلەما جوق»، - دەيدى ەلميرا سۋحانبەردييەۆا. 

ۇسىنعان: ماقپال سەمباي