بۇگىن، كەشكى ساعات 18:00 دە حابار ارناسى پرەزيدەنتتىككە كانديداتتاردىڭ تەلەدەباتىن تىكەلەي ەفيرگە ۇسىندى. تەلەدەباتتا امانگەلدى تاسبيحوۆ،  دانيا ەسپانوۆانىڭ ورىنىنا ازات پەرۋاشيەۆ، ءامىرجان قوسانوۆ، جامبىل احمەتبەك، سادىبەك تۇگەل، تولەۋتاي راحىمبەكوۆتىڭ اتىنان "اۋىل" پارتياسىنىڭ باسشىسى ءالي بەكتايەۆ، قاسىم-جومارت توقايەۆتىڭ ورنىنا ماۋلەن اشىمبايەۆ بولدى دەپ حابارلايدى Qamshy.kz اقپارات اگەنتتىگى.

1ء-شى راۋندتا كانديداتتار ءوزىنىڭ سايلاۋالدى باعدارلاماسىن تانىستىرۋعا 1 مينۋت 30 سەكۋند قانا بەرىلدى. پارتيا مۇشەلەرى كەزەك-كەزەك باعدارلامالارىمەن تانىستىرىپ بولعان سوڭ، بىر-بىرىنە سۇراق قويۋعا مۇمكىندىك الدى.

سۇراق قويۋدىڭ ەرەجەسى: سۇراق قويۋشىعا بەرىلەتىن ۋاقىت 20 سەكۋند، جاۋاپ بەرۋشىگە بەرىلەتىن ۋاقىت 90 سەكۋند. ءبىر پارتيا مۇشەسىنە باس-اياعى ەكى سۇراق قويىلادى.

ەڭ العاشقى ەكى سۇراق «نۇر وتان» پارتياسىنا قويىلدى. ءبىرىنشى اينالىمداعى ساۋالدى باستاعان امانگەلدى تاسبيحوۆ. قاجەتتى جاۋاپتار الا-العان پارتيا مۇشەلەرى باسىن يزەپ رازىلىعىن ءبىلدىرىپ تۇردى. ماۋلەن اشىمبايەۆقا ەكىنشى سۇراقتى قويىپ ۇلگەرگەن ازات پەرۋاشيەۆ. ءامىرجان قوسانوۆتان كىمگە سۇراق قوياتىنىن سۇراعان كەزدە:

- نۇر وتانعا سۇراق قويۋ شەكتەۋى اياقتالسا، جانىمداعى پارتيالارعا قويا بەرەيىن،- دەدى. ءدال وسىنداي قارقىنمەن پىكىرتالاس قىزۋ تۇردە ءوتىپ جاتىر.

ەڭ كوپ سۇراقتار اۋىل شارۋاشىلىعى توڭىرەگىندە بولدى. بارلىق كانديداتتار اۋىل جاعدايىن ەلمەن تانىستىرىپ، سايلاۋشىلاردىڭ اۋىلدان بولاتىنىن العا تارتتى.

سۇراقتىڭ ەكىنشى اينالىمىن كەرىسىنشە ماۋلەن اشىمبايەۆ باستاپ امانگەلدى تاسبيحوۆ اياقتادى.

2-راۋندتى قايتادان الدىڭعى اينالىمدى سوڭعى اياقتاعان امانگەلدى مىرزا باستادى. بۇل اينالىمدا كانديداتتار جۇرگىزۋشىلەر قويعان سۇراقتارعا جاۋا بەرەتىن بولادى. بەرىلەتىن ۋاقىت 90 سەكۋند. بارلىق سۇراققا جاۋاپتار الىنىپ بولىپ، تىكەلەي ەفير جالعاسىن تاپتى. ەكىنشى راۋندتى اياقتاعان تاعى دا "نۇر وتان" پارتياسىنىڭ باسشىسى ماۋلەن اشىمبايەۆ.

3-راۋندتا كانديداتتار بىر-بىرىنە دەگەن جىلى لەبىزىن ءبىلدىرىپ، قارسىلاستارىنا ساتتىلىك تىلەدى. جۇرگىزۋشىلەردىڭ قورىتىندىلاۋىمەن اياقتالعان تەلەدەباتتىڭ قىزىقتى ساتتەرىن تولىق تارقاتاتىن بولامىز. قانداي ماسەلەلەر كوتەرىلدى، قانداي سۇراقتار قويىلدى، بارلىعىمەن بولىسەمىز.

وقي وتىرىڭىز:

♦سايلاۋالدى دەباتتا ۇمىتكەرلەر اۋىلدى جاقسارتامىز دەپ ۋادە ەتتى 

"ءححى عاسىر كوشباسشىسى" ەكەن دەسەم: دەباتقا قاتىستى حالىق نە دەيدى

دايىنداعان: بەك بايتاس