Cايلاۋالدى تەلەدەبات "حابار" ارناسىندا ءوتتى دەپ جازادى Qamshy.kz اقپارات اگەنتتىگى. 

تەلەدەباتتا جەرەبە تاستاۋ ءادىسى ارقىلى العاشقىلاردىڭ ءبىر بولىپ قاسىم-جومارت توقايەۆتىڭ اتىنان ماۋلەن اشىمبايەۆ ءسوز الدى. دەباتقا قاتىسۋشىلاردىڭ رەتى بويىنشا ماۋلەن اشىمبايەۆتان كەيىن تولەۋتاي راحىمبايەۆ، جامبىل احمەتبەك، سادىبەك تۇگەل، ءامىرجان قوسانوۆ، ازات پەرۋاشيەۆ، ءالي بەكتايەۆ، امانگەلدى تاسپيحوۆ ءوز ۇستانىمدارىن تانىستىردى. 

دەبات بارىسىندا ەل ەكونميكاسىن دامىتۋ بويىنشا ءار كانديدات ءوز ۇسىنىسىن ورتاعا سالدى. پرەزيدەنتتىككە ۇمىتكەرلەردىڭ باسىم بولىگى اۋىلدى دامىتۋ جۇمىستارىن قولعا الامىز دەپ ۋادە ەتتى. شاعىن جانە ورتا بيزنەستى دامىتىپ، كاسىپ اشۋعا نيەتتى جاستاردى قولدايمىز دەپ مالىمدەدى.

ءبىرىنشى كەزەڭنىڭ ەكىنشى بولىمىندە سادىبەك تۇگەل ءامىرجان قوسانوۆقا: "ءامىرجان حالىققا بوس ۋادە بەرىپ ءجۇرسىز. اۋىلدى دامىتۋ ءۇشىن قانداي ۇسىنىس ايتاسىز؟"، - دەپ سۇراق قويدى.

"قازىرگى بيلىكتىڭ اۋىلعا دەگەن قارىم-قاتىناسىنا تۇبەگەيلى قارسىمىن. اۋىلداعى شاعىن جانە ورتا بيزنەستى دامىتىپ، كاسىپكەرلىەردى 3 جىلعا دەيىن سالىقتان بوساتقىمىز كەلەدى. اۋىل شارۋاشىلىعى ونىمدەرىن وڭدەۋ ورىندارىن اشۋ باستى ماقساتىمىز. ءبىزدى سايلاۋشىلارىمىزدىڭ دەنى اۋىلدان"، - دەپ جاۋاپ بەردى قوسانوۆ. 

سونىمەن قاتار ەكىنشى كەزەڭنىڭ ەكىنشى بولىمىندە ءبىلىم سالاسىنا باستى نازار اۋدارىلدى. ءبىلىم سالاسىندا مينيسترلەردى اۋىستىرا بەرۋ دۇرىس ەمەس دەگەن پىكىرلەرىن جەتكىزدى. 

ەستەرىڭىزگە سالا كەتسەك، دەباتقا قاسىم-جومارت توقايەۆتىڭ اتىنان ماۋلەن اشىمبايەۆ، دانيا ەسپايەۆانىڭ اتىنان ازات پەرۋاشيەۆ، تولەۋتاي ساتاي ۇلىنىڭ اتىنان ءالي بەكتايەۆ قاتىستى.

دايىنداعان: سابەت مارجان