ەلباسى نۇرسۇلتان نازاربايەۆ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋىندا «حالقىمىزدىڭ باقۋاتتى ءومىر ءسۇرۋى جانە ەلىمىزدىڭ وزىق دامىعان 30 ەلدىڭ قاتارىنا قوسىلۋى – تاۋەلسىز مەملەكەتىمىزدىڭ ماڭگىلىك مۇراتى» دەگەن بولاتىن. ەلباسى جولداۋىنان تۋىندايتىن مىندەتتەردى جۇزەگە اسىرۋ جامبىل وبلىسىندا جوعارى قارقىن الۋدا. كۇن ساناپ اۋليەاتانىڭ الەۋەتى ارتىپ، ءونىم كولەمى ۇلعايىپ كەلەدى. ماسەلەن 2018 جىلعى الدىن الا دەرەكتەر بويىنشا وبلىستىڭ جالپى وڭىرلىك ءونىمىنىڭ ءوسىمى 1417،5 ميلليارد تەڭگەنى، ياعني 3،7 پايىزدى قۇراپ، بۇل رەسپۋبليكا وڭىرلەرى اراسىندا 8-كورسەتكىش بولىپ وتىر.

جامبىل وبلىسى اكىمىنىڭ ءبىرىنشى ورىنباسارى بەكبولات ورىنبەكوۆ رەسپۋبليكا بويىنشا وبلىستىڭ جالپى وڭىرلىك ءونىمىنىڭ ۇلەس سالماعى 2،4 پايىزدى قۇراعانىن ايتادى. وڭىرلىك ءونىمنىڭ قۇرىلىمىندا ونەركاسىپ ۇلەسى 17،9، اۋىل شارۋاشىلىعى 10،2، قۇرىلىس 8، ساۋدا 9،9، كولىك 18،2، بايلانىس 0،7، جىلجىمايتىن مۇلىكپەن جاسالاتىن وپەراسيالار جانە ءبىلىم سالاسىنىڭ 7،5 پايىز سالىمدارىنىڭ ءوسىمى بايقالادى. ال 2019 جىلدىڭ ءقاڭتار-ساۋىر ايلارىنىڭ قورىتىندىسى بويىنشا ونەركاسىپ ءونىمىنىڭ ناقتى كولەم يندەكسى 102،1 پايىزدى قۇراپ، 154 095،8 ميلليون تەڭگەنىڭ ءونىمى ءوندىرىلدى.

سونىمەن قاتار، جامبىل وبلىسىندا بيۋدجەت كىرىستەرىنىڭ جوسپارىن بارىنشا ورىنداۋ قارقىندى جۇرگىزىلۋدە. 2019 جىلدىڭ 1 مامىرىنا وبلىس بيۋدجەتىنىڭ كىرىستەرى 76 ميلليارد 294،1 ميلليون تەڭگە سوماسىندا، ياعني 106،2 پايىزعا قامتاماسىز ەتىلىپ وتىر. بۇل رەتتە مەنشىكتى كىرىستەردىڭ جوسپارى وتكەن جىلداعىلارمەن سالىستىرعاندا الدەقايدا جوعارى ورىندالعان. ماسەلەن، كىرىستىڭ بۇل ءتۇرىن وسى ەسەپتى كەزەڭدە 15 ميلليارد 896،7 ميلليون تەڭگەگە ورىنداۋعا بەكىنسە، ناقتى كورسەتكىش بويىنشا كىرىس 20 ميلليارد 319،9 ميلليون تەڭگەگە اسىپ كەتكەن. ناتيجەسىندە كورسەتكىش 127،8 پايىزعا ورىندالعان. ەسەسىنە بيۋدجەتكە 4 ميلليارد 423،1 ميلليون تەڭگە جوسپاردان ارتىعىمەن ءتۇسىپ وتىر. ال، كورسەتكىشتى وتكەن جىلدىڭ ەسەپتى مەرزىمىمەن سالىستىراتىن بولساق، ءوسىم 116،4 پايىزدى قۇراعان.

دۋلات ايتباي