قازاقستان رەسپۋبليكاسىنىڭ پرەزيدەنتتىگىنە كانديدات قاسىم-جومارت توقايەۆتىڭ رەسپۋبليكالىق قوعامدىق شتابىنىڭ مۇشەلەرى جۇمىس ساپارىمەن تاراز قالاسىنا كەلىپ، اۋەلى «Jastar» اللەياسىندا ءوڭىر جاستارىمەن كەزدەستى. كەزدەسۋدى وبلىستىق قوعامدىق شتاب باسشىسى شابدەن تىلەۋمۇرات جۇرگىزدى.   سودان كەيىن جامبىل وبلىسىنا جۇمىس ساپارىمەن كەلگەن شتاب مۇشەلەرى «قازفوسفات» جاۋاپكەرشىلىگى شەكتەۋلى سەرىكتەستىگىنىڭ مينەرالدى تىڭايتقىشتار زاۋىتىندا بولىپ، جۇمىسشىلارعا كانديداتتىڭ سايلاۋالدى باعدارلاماسىن تانىستىردى. كانديداتتىڭ سايلاۋالدى باعدارلاماسىنىڭ باسىمدىقتارى تۋرالى شتاب ءتوراعاسى، پارلامەنت ءماجىلىسىنىڭ دەپۋتاتى قۋانىش سۇلتانوۆ باستاعان ازاماتتار ق.توقايەۆتىڭ سايلاۋالدى باعدارلاماسىمەن تانىستىردى.

  وڭىرگە جۇمىس ساپارى بارىسىندا «ەسىكتەن ەسىككە» اكسياسى اياسىندا رەسپۋبليكالىق قوعامدىق شتاب مۇشەلەرى تاراز قالاسىنداعى «استانا» ىقشاماۋدانىنداعى سايلاۋشىلاردىڭ ۇيلەرىندە دە بولدى. تۇرعىندارعا ق ر پرەزيدەنتىگىنە كانديدات قاسىم-جومارت توقايەۆتىڭ سايلاۋالدى باعدارلاماسىن ءتۇسىندىرىپ، «Birge» جالپىحالىقتىق اكسياسىنىڭ بۇكتەمەلەرىنە ۇسىنىستارى مەن شاعىمدارىن جازۋعا بولاتىنىن جەتكىزدى. ال، «حالىققا كومەك» پارتيالىق جوباسى اياسىندا رەسپۋبليكالىق قوعامدىق شتاب مۇشەلەرى «Nur Otan» پارتياسى جامبىل وبلىستىق فيليالىندا قوعامدىق قابىلداۋ ۇيىمداستىردى.

  بۇدان كەيىن رەسپۋبليكالىق قوعامدىق شتاب مۇشەلەرى «بالاساعۇن» ورتالىق كونسەرت زالىندا وتكەن جيىنعا قاتىستى. ءوز سوزىندە حالىق قالاۋلىسى قۋانىش سۇلتانوۆ  قاسىم-جومارت توقايەۆتىڭ سايلاۋالدى باعدارلاماسىنىڭ وزەكتىلىگى ادىلدىكتە، ساباقتاستىقتا، ورلەۋدە ەكەنىن ايتسا، اقىن، ق ر مەملەكەتتىك سىيلىعىنىڭ يەگەرى نۇرلان ورازالين قاسىم-جومارت كەمەل ۇلىنىڭ سىرتقى جانە ىشكى ساياساتتىڭ مەكتەبىنەن وتكەن ازامات ەكەنىن اتاپ ءوتتى. سونىمەن قاتار، قازاقستاننىڭ حالىق ءارتيسى التىنبەك قورازبايەۆ، قازاقستاننىڭ ەڭبەك ەرى، وليمپيادا چەمپيونى جاقسىلىق ۇشكەمپىروۆ، پارلامەنت سەناتىنىڭ ەكونوميكالىق ساياسات، يننوۆاسيالىق دامۋ جانە كاسىپكەرلىك كوميتەتىنىڭ ءتوراعاسى اسقار بەيسەنبايەۆ، تەلەجۇرگىزۋشى دانا نۇرجىگىت، ەڭبەك ارداگەرى الەكساندر ساۆچەنكو ءسوز سويلەپ، قاسىم-جومارت كەمەل ۇلىنىڭ ەلباسى نۇرسۇلتان نازاربايەۆتىڭ مەملەكەتتى جاڭعىرتۋداعى ساياساتىن ارى قاراي ساپالى جالعاستىراتىنىن اتاپ ءوتتى. جيىن سوڭىندا تانىمال ەسترادا جۇلدىزى التىناي جورابايەۆ ءان شىرقادى.

دۋلات ايتباي