ءىسساپار كەزىندە مەملەكەت باسشىسى «بولاشاق» مۇناي جانە گاز وڭدەۋ زاۋىتىنا، «ارەس PetroTechnic جوعارى كوللەدجىنە» باردى. سونداي-اق،  ءوڭىر جۇرتشىلىعىمەن كەزدەستى.

اتىراۋداعى ءىسساپار كەزىندە پرەزيدەنت ءبىرقاتار ماسەلەلەردى ايتتى دەپ حابارلايدى Qamshy.kz اقپارات اگەنتتىگى. ول تۋرالى اۋەسبايدىڭ قاناتى فەيسبۋك پاراقشاسىندا جازدى.

بىلىكتىلىك دەڭگەيى تەڭ شەتەلدىك جانە جەرگىلىكتى جۇمىسشىلارعا بىردەي جالاقى تولەۋ ماسەلەسىن باقىلاۋعا الۋ كەرەك.
بىردەي جۇمىسقا ءارتۇرلى جالاقى تولەۋگە جول بەرۋگە بولمايدى.

جەرگىلىكتى ءونىم وندىرۋشىلەر ءۇشىن تەڭ قۇقىلى جاعداي جاساۋ.
ءقازىر سالىق جانە باسقا دا بيۋدجەتتىك تولەمدەر بويىنشا تەك شەتەلدىك جەتكىزۋشىلەرگە جەڭىلدىك بار. 
سونىڭ كەسىرىنەن، ءبىزدىڭ كاسىپكەرلەر بايقاۋعا قاتىسۋعا ارەكەت تە جاسامايدى، سەبەبى، ودان ەش پايدا جوق ەكەنىن بىلەدى.

كاسپييدەگى بەكىرە تۇقىمداس بالىقتار جىل وتكەن سايىن ازايىپ بارادى. 2012 جىلى ءبىز بەكىرە بالىقتارىن اۋلاۋعا تولىق تىيىم سالدىق، سوعان قاراماي بەكىرە 2 ەسە، شوقىر 7 ەسە ازايدى. اۋىل شارۋاشىلىعى مينيسترلىگى مەن اكىمدىك بۇل ماسەلەگە باسا نازار اۋدارىپ، اتىراۋداعى بالىق شارۋاشىلىعىن قايتا جاڭعىرتۋى ءتيىس.

وبلىستا جەمقورلىققا قارسى كۇرەس ساياساتىن كۇشەيتۋ كەرەك.
جەمقورلىقتى جويۋ بارلىق دەڭگەيدەگى اكىمدەر جۇمىسىنىڭ نەگىزگى كورسەتكىشى بولادى.

اتىراۋ ەكولوگياسى تەك وبلىستىڭ ىشكى ماسەلەسى ەمەس، ونى شەشۋگە بارلىعىمىز ءبىر كىسىدەي جۇمىلۋىمىز كەرەك. بۇل - مەنىڭ نەگىزگى قاعيدامنىڭ ءبىرى. كاسپييدەگى تەحنولوگيالىق قاۋىپسىزدىك جاي عانا الەمدىك دەڭگەيدە ەمەس، الەمدەگى ەڭ ۇزدىك دەڭگەيدە بولۋى شارت.

ناعىز ساپالى جول قانداي بولۋى كەرەك؟
ەڭ الدىمەن، سول جولدى پايدالاناتىن تۇرعىنداردى دىتتەگەن جەرىنە تەز، جىلدام اپاراتىن ءقاۋىپسىز جول بولۋى ءتيىس. جوندەلگەن جولدىڭ سانى ەمەس، ساپاسى ماڭىزدى!

جايىق پەن قيعاش وزەندەرىنىڭ سۋى تارتىلىپ بارادى. جايىقتىڭ سۋ رەسۋرستارىن ساقتاۋ، قورعاۋ جانە قالپىنا ءۇشىن رەسەيمەن ىنتىماقتاستىقتى نىعايتا ءتۇسۋ قاجەت. مەن بۇل جۇمىسقا ءوزىم كىرىسەمىن.

وتاندىق جۇمىس بەرۋشىلەردىڭ 70 پايىزى كوللەدج تۇلەكتەرىنىڭ بىلىمىنە كوڭىل كوڭىلى تولمايدى. ال شەتەلدىك كومپانيالاردىڭ جۇمىسشىلارعا قوياتىن تالاپتارى جوعارى. سوندىقتان وڭىردە مۇناي-گاز سالاسى ءۇشىن بىلىكتىلىگى جوعارى جەرگىلىكتى مامانداردى دايارلاۋدى قولعا الۋ كەرەك. ونىڭ ءبىر امالى - قازىرگى كوللەدجدەردىڭ بازاسىندا بىلىكتىلىك ورتالىقتارىن قۇرۋ.