ارىس قالاسىنا كومەك كورسەتۋ ءۇشىن 53 گۋمانيتارلىق كومەك قابىلداۋ پۋنكتەرى اشىلدى دەپ حابارلايدى Qamshy.kz اقپارات اگەنتتىگى الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ. 

وبلىس اكىمىنىڭ سوزىنە سوزىنشە ارىستاعى اعايىندى قولداۋعا جەتىسۋلىقتار جۇدىرىقتاي جۇمىلىپ اتسالىسۋدا. ماسەلەن، بۇل ىسكە مەملەكەتتىك قىزمەتكەرلەر عانا ەمەس، كاسىپكەرلەر مەن قوعامدىق ۇيمدار جانە وبلىستىڭ قاراپايىم تۇرعىندارى دا ءۇن قوسۋدا.

«گۋمانيتارلىق كومەك قابىلداۋ پۋنكتەرىنە وبلىس تۇرعىندارى ءوز ەرىكتەرىمەن العاشقى قاجەتتى ازىق-تۇلىك پەن زاتتار جانە قاراجات جيناۋدى ۇيىمداستىرۋدا. بۇگىنگى كۇنى قابىلداۋ پۋنكتەرى بەلسەندى جۇمىسقا كىرىسكەن. ناتيجەسىندە، العاشقى قاجەتتى ازىق - تۇلىك، قۇرىلىس زاتتارى 26 ماۋسىم كۇنى الماتى وبلىسىنان تۇركىستان وبلىسىنىڭ ارىس قالاسىنا گۋمانيتارلىق كومەك تيەلگەن قۇنى 56،4 ملن. تەڭگە بولاتىن 10 اۆتوكولىكتەن تۇراتىن ءبىرىنشى كەرۋەن جەتىپ، تابىستالدى. بۇگىندە قوسىمشا 17،0 ملن. تەڭگەنىڭ زاتتارى جيناقتالدى»، - دەدى اماندىق باتالوۆ.

ايتا كەتەرلىك، الماتى وبلىسىنىڭ مەملەكەتتىك قىزمەتكەرلەرى مەن بيۋدجەتتىك مەەكەمە وكىلدەرى ءوز ەرىكتەرىمەن ءبىر كۇندىك ەڭبەك اقىلارىن كومەككە ارناپ، جالپى سومماسى 40 ملن. تەڭگەنى قۇراعان قارجىنى ارنايى شوتقا اۋدارعان. بۇدان بولەك، وبلىستىڭ كاسىپككەرلەرى، شارۋا قوجالىقتارى مەن قوعامدىق ۇيىمدارى 50 ملن. تەڭگە كولەمىندە قارجىنى «تۇركىستان»
الەۋمەتتىك قورىنىڭ ەسەپ شوتىنا جونەلتىپتى.