جاستار جىلى اياسىندا 16-26 ماۋسىم ارالىعىندا "يۋنەسكو كلۋبتارىنىڭ IV شىعارماشىلىق اكادەمياسىنىڭ" ەڭ ۇزدىك فيناليستەرى الماتى قالاسىندا 10-كۇندىك جاستاردىڭ ءبىلىم دەڭگەيىن كوتەرۋ جانە جان-جاقتى دامىتۋعا باعىتتالعان يننوۆاسيالىق پلاتفورماسىندا باس قوستى دەپ حابارلايدى Qamshy.kz اقپارات اگەنتتىگى. 

مەملەكەت بولاشاققا جوسپار قۇرىپ، ودان ءارى دامۋ ايالارىن انىقتاپ، جاقىن ارادا ونىڭ نەگىزگى قوزعاۋشى كۇشى پاتريوتتىق جانە ازاماتتىق جاۋاپكەرشىلىك رۋحىندا تاربيەلەنگەن جىگەرلى جاس كوشباسشىلاردىڭ شىعاتىنىنا سەنەدى. وسىعان وراي، "يۋنەسكو كلۋبتارىنىڭ شىعارماشىلىق اكادەمياسىنىڭ" ءتورتىنشى كەزەڭى قازاقستاننىڭ تۇكپىر-تۇكپىرىنەن 12-18 جاس ارالىعىنداعى دارىندى جاستار ءۇشىن ءوز ەسىگىن ايقارا اشادى.

يۋنەسكو كلۋبتارىنىڭ شىعارماشىلىق اكادەمياسى – ەلىمىزدىڭ جەتەكشى ماماندارى ءۇشىن ءبىلىم بەرۋدىڭ بارلىق سالاسىندا قۇندى ءبىلىم الۋعا مۇمكىندىك بەرەتىن قازاقستان جاستارىنىڭ بىرەگەي پلاتفورماسى. جوبا باعدارلاماسى قازاقستاننىڭ بارلىق ايماقتارىنداعى دارىندى بالالار مەن جاستاردىڭ الەۋمەتتىك جاعدايىنا قاراماستان، يۋنەسكو-نىڭ مادەنيەت، عىلىم جانە ءبىلىم بەرۋ سالاسىنداعى وزىق باعدارلامالارىنا تەگىن قول جەتكىزۋگە، سونداي-اق ءوزىنىڭ شىعارماشىلىق جانە عىلىمي دارىنىن اشۋعا جانە ارتتىرۋعا مۇمكىندىك بەرەدى.

جوبانىڭ ماقساتى: مەملەكەتتىڭ شىعارماشىلىق جانە عىلىمي الەۋەتتىڭ بولاشاعىن قالىپتاستىرۋعا باعىتتالعان ءبىلىم بەرۋدەگى يننوۆاسيالىق تاسىلدەردى جۇزەگە اسىرۋ ارقىلى قازاقستان رەسپۋبليكاسىنىڭ دارىندى جاستارىن دامىتۋ جانە ولارعا قولداۋ كورسەتۋ.

«يۋنەسكو كلۋبتارىنىڭ IV شىعارماشىلىق اكادەمياسى» فيناليستەرى ۇزدىك تالىمگەرلەرمەن، سونىمەن قاتار قازاقستاننىڭ كورنەكتى ونەر جانە عىلىم قايراتكەرلەرىمەن جاڭا تاجىريبە جيناقتاپ، شابىتتانىپ قايتتى.

"مەن كىشكەنتاي كەزىمنەن ارمانشىل بالامىن. كوپ ارماندايمىن، قيالدايمىن. ءوز اۋىلىم بادامشادا جايباراقات جۇرگەن مەن ءۇشىن قازاقستانداعى يۋنەسكو كلۋبتارىنىڭ IV شىعارماشىلىق اكادەمياسىنا قاتىساتىندىعىمدى بىلگەنىم زور قۋانىش بولدى. ومىرىمدە ايتارلىقتاي وزگەرىستەر ورىن الدى. جوبادا ءجۇرىپ بارلىعىمىزدىڭ مۇمكىندىكتەرىمىز كوپ ەكەنىن كوردىم: ماقسات قويىپ، وعان جەتۋگە تالپىنساڭ قولداۋشىلار مىندەتتى تۇردە تابىلادى. #UNESCOclubsKZ جانۇياسىنا قوسىلعانىنا قۋانىشتىمىن. بالالار مەن جاستارعا ق ر تۇڭعىش پرەزيدەنتى - ەلباسىنىڭ قورى، شيەۆرون كومپانيالارى قولداۋ كورسەتىپ جاتىر. وسى جاز ەستەن كەتپەس اسەر قالدىردى. بولاشاققا دا جوسپارلارىم كوپ"، - دەيدى گۇلنۇر سالىمگەرەي قىزى (اقتوبە وبلىسى، بادامشا اۋىلى) يۋنەسكو كلۋبتارىنىڭ IV شىعارماشىلىق اكادەمياسىنىڭ ءفيناليستى.

ۇيىمداستىرۋشىلار: قازاقستاندىق ۇلتتىق يۋنەسكو كلۋبتارىنىڭ فەدەراسياسى جانە قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ قورى، «شيەۆرون» كومپانياسى مەن الماتى قالاسىنىڭ اكىمدىگىنىڭ قولداۋىمەن.

"قازىرگى ساتتە ءتۇرلى ەموسيالاردى باستان كەشۋدەمىن. بويىمدا باقىت، قۋانىش سەزىمدەرىمەن قاتار مۇڭ دا بار. نەگە دەيسىزدەر عوي؟ سەبەبى بۇل جوبا مەنىڭ جانىما وتە جاقىن، سەبەبى بۇل مەنىڭ ءۇشىنشى جىل قاتارىنان قاتىسۋىم. شىعارماشىلىق اكادەمياسى - بۇل ەلىمىزدەگى جاستارعا قولداۋ كورسەتەتىن بىرەگەي جوبا، جوباعا قاتىسۋ دا تەگىن. جىلدا باعدارلاما وزگەرىپ وتىرادى، جاڭا داعدىلار شىڭدالادى، جاڭا تاجىريبە جيناقتاپ، ءوزىڭدى كورسەتۋگە مۇمكىندىكتەر كوپ. ەڭ قيىنى، ارينە، جوبا قاتىسۋىشلارىمەن قوشتاسۋ. 10 كۇننىڭ ىشىندە بارلىعى باۋىرلارىڭداي بولىپ كەتەدى ەكەن. وقىتۋشىلارعا دا، ەرىكتىلەرگە دە، ۇيىمداستىرۋشىلارعا دا العىسىم شەكسىز. بۇل جوبا - ماعان ۇلكەن شىعارماشىلىق الەمگە، ونەر الەمىنە جول اشقان جوبا"، - دەيدى يليا گوربۋنوۆ (قاراعاندى قالاسى) يۋنەسكو كلۋباترىنىڭ IV شىعارماشىلىق اكاەدمياسىنىڭ ءفيناليستى.

جوبانىڭ كونكۋرستىق كەزەڭى ءبىزدىڭ بايتاق ەلىمىزدىڭ 14 وبلىسىنان جانە شالعاي وڭىرلەرىنەن 2.000-نان استام دارىندى جانە تالانتتى بالالار مەن جاسوسپىرىمدەردى قامتىدى. قازىلار القاسى اكادەمياعا قاتىسۋ ءۇشىن التى باعىت بويىنشا ەڭ دارىندى 50 بالانى تاڭداپ الدى. 10 كۇندىك يننوۆاسيالىق ءبىلىم بەرۋ باعدارلاماسى تومەنگى باعىتتاردى قامتىدى: عىلىم جانە جوبالىق بەلسەندىلىك، كوممۋنيكاتيۆتى داعدىلار مەن شەشەندىك ونەر، بەينەلەۋ ونەرى، مۋزىكالىق ونەر، ۆوكالدىق ونەر جانە حورەوگرافيالىق ونەر.

"يۋنەسكو كلۋبتارىنىڭ شىعارماشىلىق اكادەمياسى ەلىمىزدىڭ عىلىمي الەۋەتىنە حالىقارالىق تاجىريبەنى پايدالانا وتىرىپ، ءبىلىم بەرۋ جوباسىنىڭ تاماشا ۇلگىسىن قالىپتاستىردى. ءبىز جاستاردى قازاقستاندىق مادەنيەتتى الەمدىك دەڭگەيگە كوتەرىپ، جانە وتاندىق عىلىمنىڭ باسەكەگە قابىلەتتىلىگىن ارتتىراتىن ەلدىڭ ۇلتتىق نەگىزىن قالىپتاستىرۋعا بارىنشا ناسيحاتتاي وتىرىپ، قازاقستان رەسپۋبليكاسىنىڭ تۇڭعىش پرەزيدەنتى– ەلباسى قورى جانە يۋنەسكو كلۋبتارىنىڭ قازاقستاندىق ۇلتتىق فەدەراسياسىمەن بىرلەسىپ جۇمىس ىستەۋگە ءارقاشان قۋانىشتىمىز"، - دەيدى جانار قوشپانوۆا، "شيەۆرون" كومپانياسىنىڭ قوعاممەن بايلانىس جونىندەگى ۇيلەستىرۋشىسى.

«يۋنەسكو كلۋبتارىنىڭ IV شىعارماشىلىق اكادەمياسىنىڭ» قورىتىندى كەزەڭىندە مۋزىكالىق، ۆوكالدىق جانە حورەوگرافيالىق ونەر باعىتتارى بويىنشا فيناليستەردىڭ قاتىسۋىمەن گالا-كونسەرت ءوتتى. «ارقايىم» ەتنو-فولك باعىتىنداعى تانىمال توپ كونسەرت قوناعى بولىپ، قاتىسۋشىلارمەن بىرگە ءوز ونەرلەرىن ورتاعا سالدى. شىعارماشىلىق اكادەمياسىنىڭ كورمەسىندە بەينەلەۋ ونەرى باعىتىنداعى فيناليستەر اتاقتى سۋرەتشىلەردىڭ جەتەكشىلىگىمەن ورىندالعان قورىتىندى جۇمىستارىن ۇسىندى.

«عىلىمي جۇمىستار مەن جوبا جازۋ» نوميناسياسىنىڭ قاتىسۋشىلارى جوبا تاريحىندا العاش رەت قاراپايىم جانە قولجەتىمدى تىلدە زياتكەرلىك جەكپە-جەك "Science Slam" فورماتىندا ونەر كورسەتتى. ءوز كەزەگىندە، «قارىم-قاتىناس ورناتۋ مەن شەشەندىك ونەر» نوميناسياسىنىڭ فيناليستتەرى شەشەندىك جانە اكتەرلىك باعىتتار بويىنشا العان بىلىمدەرىن كورسەتتى، سونداي-اق جازباشا جۇمىستارىن ۇسىندى. كونسەرت سوڭىندا قاتىسۋشىلار ءسوزى دە، ءانى دە ماحابباتقا، مەيىرىمدىلىككە تولى يۋنەسكو كلۋبتارى فەدەراسياسىنىڭ ءانۇرانىن ورىندادى.