قازاقستان پرەزيدەنتى قاسىم-جومارت توقايەۆ الداعى ۋاقىتتا ەلدىڭ العاشقى پرەزيدەنتى نۇرسۇلتان نازاربايەۆتىڭ نەگىزگى باستامالارىنىڭ ءبىرىن جۇزەگە اسىراتىنان ايتتى دەپ جازادى Qamshy.kz اقپارات اگەنتتىگى اقورداعا سىلتەمە جاساپ.
بۇل تۋرالى ول «استانا» حالىقارالىق قارجى ورتالىعى سوتىنىڭ عيماراتى مەن حالىقارالىق اربيتراجدىق ورتالىعىن اشۋ راسىمىندە ايتقان.
"ءبىز زاماناۋي، كاسىبي جانە دەربەس سوت جۇيەسىن قالىپتاستىرۋعا ەرەكشە كوڭىل بولەمىز. «استانا» حالىقارالىق قارجى ورتالىعىنىڭ سوتى مەن حالىقارالىق اربيتراجدىق ورتالىعىن اعىلشىن قۇقىعى قاعيداتى نەگىزىندە قۇرۋ ارقىلى ءبىز «استانا» حالىقارالىق قارجى ورتالىعىنىڭ ينستيتۋسيونالدىق قۇرىلىمىن جاساۋدى اياقتايمىز. سونىمەن قاتار، تۇڭعىش پرەزيدەنت نۇرسۇلتان نازاربايەۆتىڭ نەگىزگى باستامالارىنىڭ ءبىرىن جۇزەگە اسىرامىز"، – دەدى توقايەۆ.
پرەزيدەنتىڭ ايتۋىنشا، «استانا» حالىقارالىق قارجى ورتالىعىنىڭ قۇرىلۋى قازاقستاننىڭ الەمنىڭ دامىعان وتىز ەلىنىڭ قاتارىنا قوسىلۋ ءۇشىن جاساعان قادامدارىنىڭ ءبىرى سانالادى.
"ءبىز مۇنىڭ بيىك ماقسات ەكەنىن تۇسىنەمىز. ول تۇراقتى ءارى ساپالى ەكونوميكالىق ءوسىمدى، ءارتاراپتاندىرۋدى، جاڭا ينۆەستيسيا مەن تەحنولوگيانى تارتۋدى تالاپ ەتەدى. ءبىز رەفورمالاردان قورىقپايمىز. سوندىقتان، بۇرىنعى كسرو اۋماعىندا العاش رەت اعىلشىن قۇقىعى سوت تورەلىگىنىڭ جالپى جۇيەسى اياسىندا ەلىمىزدە تابىستى قولدانىلىپ وتىر"، – دەدى قازاقستان پرەزيدەنتى.
پىكىر قالدىرۋ