تۇرعىنداردىڭ ماسەلەسىن شەشۋگە شىققان قالا اكىمى باقىتجان ساعىنتايەۆ، اۋداندارداعى جاعدايلارمەن تانىسىپ، ءبىرقاتار تاپسىرمالار بەردى دەپ حابارلايدى Qamshy.kz اقپارات اگەنتتىگى.
ول تۋرالى قالا اكىمى ءوزىنىڭ ينستاگرام پاراقشاسىندا جاريالادى.
الاتاۋ اۋدانىنا قاراستى راحات، العاباس، تەرەكتى ىقشاماۋداندارىنا قاتىستى تومەندەگىدەي تاپسىرمالار بەرىلدى.
1) تۇرعىنداردى اشىق جاتقان ەلەكتر جەلىلەرى مازالاۋدا. ا. مۇسابايەۆقا بۇنى قازان ايىنىڭ 1-نە دەيىن شەشىپ، جارىق ءۇشىن بەلگىلەنەتىن ءتاريفتىڭ اشىقتىعىن ارتتىرۋدى تاپسىردىم. جەكە ەنەرگوكومپانيالارمەن جۇمىس دۇرىس جولعا قويىلۋ كەرەك.
2) ورتالىق سۋمەن جابدىقتاۋ جانە كارىز جۇيەسى ماسەلەلەرى دە وتكىر. قالاعا قوسىلعان اۋداندار ءۇشىن ماڭىزى بار بۇل ماسەلەلەر كەزەڭ-كەزەڭىمەن ءارى كەشەندى تۇردە شەشىلەدى. جالپى كورىنىس تۇسىنىكتى.
3) پوليسيا دەپارتامەنتىنىڭ باستىعى س. كۇدەبايەۆقا پاتەر ۇرلىعىمەن كۇرەستى كۇشەيتىپ، اتالعان ىقشاماۋداندارداعى كريمينوگەندىك جاعدايدى ەرەكشە باقىلاۋعا الۋدى تاپسىردىم.
4) الاتاۋ اۋدانىنىڭ اكىمدىگى تۇرعىندارمەن ءجيى كەزدەسىپ، جەدەل جاردەم كولىگىنىڭ قىزمەتىن رەتكە كەلتىرۋ، ۇيلەردى زاڭداستىرۋ، قوقىس شىعارۋ، كەمىرگىشتەر جانە قاڭعىباس يتتەرمەن كۇرەس جانە ت. ب. ماسەلەلەردى شۇعىل شەشۋگە مىندەتتەلەدى.
5) جولدار سىن كوتەرمەيدى. ازىرگە جولدى گرەيدەرمەن تەگىستەپ، جول ماتەريالدارىن توسەيمىز. ويتكەنى جەردى ەكى رەت قازباۋ ءۇشىن اۋەلى ورتالىقتاندىرىلعان سۋمەن جابدىقتاۋ جانە كارىز جۇيەسى ماسەلەسىن رەتكە كەلتىرۋ كەرەك.
6) راحات ىقشاماۋدانىنداعى مەكتەپ ماسەلەسىن شەشۋ.
7) كوشەنى جارىقتاندىرۋ.
پىكىر قالدىرۋ