قازاقستان ءبىلىم جانە عىلىم ءمينيسترىنىڭ كەڭەسشىسى ەربولات مۇحامەدجان شىمكەنتتە تابىلعان ەسىرتكىگە قاتىستى مالىمدەمە جاسادى دەپ حابارلايدى Qamshy.kz اقپارات اگەنتتىگى.
بۇل تۋرالى ءمينيستردىڭ كەڭەسشىسى ەربولات مۇحامەدجان ءوزىنىڭ فەيسبۋك پاراقشاسىندا جاريالاعان.
"قازاقستاننىڭ بىرنەشە بۇقارالىق اقپارات قۇرالىندا شىمكەنت قالاسى ۋنيۆەرسيتەتتەرىنىڭ ءبىرىنىڭ سپورت كەشەنىندە جەدەل ءىس-شارالار جۇرگىزۋ كەزىندە ەسىرتكى پريتونى تابىلعانى تۋرالى جاڭالىق جارىق كوردى. اتالعان فاكتى بويىنشا ول جەكەمەنشىك وقۋ ورنى ەكەنىن حابارلايمىز. جوعارعى وقۋ ورنىنا مەملەكەتتىك ءبىلىم بەرۋ تاپسىرىسى بەرىلمەگەن"، - دەدى كەڭەسشى.
قازىرگى ۋاقىتتا ورىن العان وقيعانىڭ ءمان-جايىن انىقتاۋعا باعىتتالعان بارلىق قاجەتتى جەدەل-تەرگەۋ ءىس-شارالارى جۇرگىزىلۋدە.
"اتاپ ايتقاندا، قىلمىستىق كودەكستىڭ "ەسىرتكى، پسيحوتروپتىق زاتتاردى، ولاردىڭ انالوگتارىن تۇتىنۋعا ارنالعان پريتون ۇيىمداستىرۋ نەمەسە ۇستاۋ، سونداي-اق وسى ماقساتتا ورىن-جاي بەرۋ" بابى بويىنشا الدىن الا تەرگەۋ جۇرگىزىلۋدە"، - دەپ اتاپ ءوتتى ەربولات مۇحامەدجان.
پىكىر قالدىرۋ