تالدىقورعاننىڭ ورتالىق كوشەلەرىنىڭ بىرىندە بالپىق بي اۋىلىنىڭ كەلگەن كاسىپكەر ۆلاديمير حان ۇلكەن بيلبوردقا "ازامات جىلقىبايەۆ(الماتى وبلىسىنىڭ پروكۋرورى) سەنبەيمىن، ۋۆوليت" دەپ جازعان دەپ حابارلايدى Qamshy.kz اقپارات اگەنتتىگى.
بۇل تۋرالى "جەلتايا گازەتا" باسىلىمىنىڭ باس رەداكتورى ساندۋعان دۇيسەنوۆا ءوزىنىڭ Facebook پاراقشاسىندا جاريالادى.
كاسىپكەردىڭ ايتۋىنشا، قۇقىق قورعاۋ ورگاندارىنان كوڭىلى قالدى.
15 جىل بۇرىن ول بالپىق بي اۋىلىندا جەر ساتىپ الىپ، دۇڭگىرشەك ورناتقان. ال كوكسۋ اۋدانىنىڭ شەنەۋلىكتەرى اۋىل ورتالىعىندا ورنالاسقان جەردى سوت ارقىلى تارتىپ العىسى كەلگەن. 70 كۆادرات مەتر اۋماققا جەرگىلىكتى بيلىك اللەيا سالۋعا جوسپارلاۋدا.
"ولار كەلىسىمدى جارامسىز دەپ ەسەپتەيدى. اكىمدىك قۇجات تولتىرۋ كەزىندە قاتە كەتتى دەپ ويلايدى. بۇل جەردە مەنىڭ كىڭام جوق، مەن قاراپايىم كاسىپكەر جانە سالىق تولەۋشىمىن. پروكۋراتۋرا ۇندەمەي وتپاي، مەنىڭ كونستيتۋتسيالىق قۇقىقتارىمدى قورعاعاندى قالايمىن"، - دەدى ۆلاديمير حان.
ساندۋعان دۇيسەنوۆانىڭ ايتۋىنشا، بەلگىسىزدەر بيلبوردتى ۇرلاپ كەتتى. ال وبلىس پروكۋرورى ازامات جىلقىبايەۆ ۆلاديمير حاندى ءوز قابىلداۋىنا شاقىردى.
پىكىر قالدىرۋ