الماتى اكىمى باقىتجان ساعىنتايەۆ قالا تۇرعىندارىنان كەلگەن پروبلەمالىق ورىندارعا باردى دەپ حابارلايدى Qamshy.kz اقپارات اگەنتتىگى.
بۇل تۋرالى اكىم ءوزىنىڭ Instagram پاراقشاسىندا جاريالادى.
"بۇگىن مەنىڭ اككاۋنتارىما قالا تۇرعىندارى قالدىرعان پروبلەمالىق ورىندارعا شىقتىم. ناۋرىزباي اۋدانى، اقجار ىقشاماۋدانى. مولداعۇلوۆا كوشەسى (ماقانشى – جاباي)، جاۋقازىن. كوتەرىلگەن ماسەلە ورىندى. اۋىز سۋ، جارىق، جول، تۇراقتى قوعامدىق كولىك قاتىناسى — حالىقتىڭ ءومىر ساپاسىن جاقسارتۋعا نەگىزدەلگەن. بارلىق ماسەلە بىر-بىرىمەن بايلانىستى. ماسەلەنى رەت-رەتىمەن شەشۋ مىندەتى تۇر. بىرىنشىدەن، اۋىز سۋ ماسەلەسى، ياعني ورتالىق سۋمەن قامتاماسىز ەتۋ جۇيەسىنە قوسۋ. ەكىنشىدەن، كوشەگە جارىق قويۋ كەرەك. ءۇشىنشى ماسەلە، جەلىلەردى توسەۋ بويىنشا جەر قازۋ جانە قۇرىلىس-مونتاجداۋ جۇمىستارى اياقتالعان سوڭ جول ماسەلەسى رەتكە كەلتىرىلەدى. بارلىق ماسەلە كەزەڭ-كەزەڭىمەن شەشىلەدى. باسىمدىق اۋىزسۋعا بەرىلەدى!" - دەدى ساعىنتايەۆ.
پىكىر قالدىرۋ