جامبىل وبلىسىنىڭ ورتالىعى سانالاتىن كونە تاراز قالاسى كۇننەن-كۇنگە تۇرلەنىپ كەلە جاتىر دەسەك، ارتىق ايتپاعاندىعىمىز. ويتكەنى، بىرنەشە جىلدان بەرى ەكى مىڭ جىلدىق تاريحى بار تاراز شاھارىندا جاڭا شاعىن اۋداندار اشىلىپ جاتىر.  قالانىڭ كورىكتى كەلبەتىنە ودان سايىن ءار بەرەتىن جاڭا اۋداندارداعى بيىك-بيىك ۇيلەر دە كوزدىڭ جاۋىن الادى. جانە كوپقاباتتى ۇيلكەردىڭ سانى كۇن وتكەن سايىن ارتىپ كەلەدى.

ماسەلەن، تاراز قالاسىنداعى جاڭا 15-شاعىن اۋداندا بيىل 80 جانە 60 پاتەرلى 25 كوپقاباتتى تۇرعىن ءۇيدىڭ قۇرىلىسى جۇرگىزىلىپ جاتىر. بۇل جاعىمدى جاڭالىق تۋرالى جامبىل وبلىسىنداعى وڭىرلىك كوممۋنيكاسيالار قىزمەتىنىڭ الاڭىندا قالا اكىمى قايرات دوسايەۆ ايتتى.

«قازىرگى تاڭدا سۇلەيمەنوۆ كوشەسىنىڭ سوڭىنداعى 362 گەكتاردا 15ء-شى مولتەك اۋدانىنىڭ قۇرىلىسى جۇرگىزىلىپ جاتىر. وندا «نۇرلى جەر» تۇرعىن ءۇي قۇرىلىسى باعدارلاماسى اياسىندا 10 300 وتباسىنا ارنالعان 280 كوپقاباتتى تۇرعىن ءۇي بوي كوتەرمەك. قازىرگى تاڭدا 25 ءۇي سالىنىپ جاتىر. سالىنىپ جاتقان قۇرىلىس القاپتارىندا بايلانىس، كارىز، سۋ جانە گاز قۇبىرلارى جەلىلەرىنىڭ قۇرىلىستارى اياقتالىپ، ەلەكترمەن قامتۋ، ىشكى كۆارتالدىق كولىك جولىنىڭ جانە جىلۋ جەلىلەرىنىڭ قۇرىلىسى ىسكە اسىرىلىپ جاتىر. بۇگىنگى تاڭدا 80 پاتەرلى 10 تۇرعىن ءۇي پايدالانۋعا بەرىلگەن»،- دەدى قالا باسشىسى قايرات اسكەربەك ۇلى.

سونداي-اق، قايرات اسكەربەك ۇلىنىڭ ايتۋىنشا، 15-جاڭا شاعىن اۋدان اۋماعىندا جەكە تۇرعىن ۇيلەر قۇرىلىسىن جۇرگىزۋ ءۇشىن 555 جەر تەلىمى بولىنگەن. اتالعان جەر تەلىمدەرىنە جەكە ينۆەستورلار نەسيەگە بەرىلەتىن ءبىرىڭعاي ساۋلەتتىك ستيلدەگى كوتتەدجدىك ۇيلەردىڭ قۇرىلىسىن جۇرگىزەدى دەپ جوسپارلانىپ جاتىر. ءدال ءقازىر ونىڭ 255ء-ى بويىنشا 4 مەردىگەرمەن كەلىسىمشارت جاسالعان.

جاڭا اۋداندا سۋ جاڭا كوپقاباتتى ۇيلەردىڭ بوي كوتەرىپ جاتقانى تاراز تۇرعىندارى ءۇشىن جاقسى جاڭالىق بولعانى ءسوزسىز. ويتكەنى، ءقازىر قالا بويىنشا 16 054 تارازدىق تۇرعىن ءۇي كەزەگىندە تۇر.

تارازدىقتاردىڭ تۇرعىن ءۇي ماسەلەسىن شەشۋ ماقساتىندا وبلىس اكىمدىگى تاراپىنان بۇدان بولەك تە بىرنەشە جوبالار جاسالىنىپ، سۋ جاڭا كوپقاباتتى ۇيلەر سالىنىپ جاتىر. تۇرعىنداردىڭ باسپانا ماسەلەسىندە شەشۋدە كوپ بالالى، جالعىزىلىكتى انالاردىڭ، اسىراۋشىسىنان ايىرىلعان نەمەسە اسىراۋشىسى جۇمىسقا جارامسىز وتباسىلاردىڭ، مۇمكىندىگى شەكتەۋلى مۇگەدەك ازاماتتاردىڭ تالاپ-تىلكەتەرى ءبىرىنشى كەزەكتە تۇر.