الماتىدا جەتىسۋ اۋدانىنىڭ اكىمى اۋىستى دەپ حابارلايدى Qamshy.kz اقپارات اگەنتتىگى قالا اكىمدىگىنىڭ رەسمي سايتىنا سىلتەمە جاساپ. 

"الماتى قالاسى اكىمىنىڭ وكىمىمەن ق ر پرەزيدەنتى اكىمشىلىگىنىڭ جانە قالا ءماسليحاتىنىڭ كەلىسىمى بويىنشا ماقسات قيقىموۆ جەتىسۋ اۋدانىنىڭ اكىمى بولىپ تاعايىندالدى"، - دەلىنگەن حابارلامادا.

ماقسات قيقىموۆ 1986 جىلى تۋىلعان. ەكونوميكا مەن ستاتيستيكا اكادەمياسى مەن "تۋران" ۋنيۆەرسيتەتىن ءتامامداعان.

ەڭبەك جولىن 2005 جىلى باستاعان. ءار جىلدارى بانك سالاسى مەن مەملەكەتتىك قىزمەتتە جۇمىس جاساعان.

2012 - 2015 جىلدارى - الماتى قالاسى قارجى باسقارماسى باسشىسىنىڭ ورىنباسارى مىندەتىن اتقارۋشى، باسشىنىڭ ورىنباسارى؛ 

2015- 2017 جىلدارى - الماتى قالاسى ەكونوميكا جانە بيۋدجەتتىك جوسپارلاۋ باسقارماسى باسشىسىنىڭ ورىنباسارى مىندەتىن اتقارۋشى، الماتى قالاسى ەكونوميكا جانە بيۋدجەتتىك جوسپارلاۋ باسقارماسى باسشىسى؛ الماتى قالاسى ەكونوميكا جانە بيۋدجەتتىك جوسپارلاۋ باسقارماسى باسشىسى؛

2017 - 2018 جىلدارى - الماتى قالاسى كاسىپكەرلىك جانە يندۋستريالدى يننوۆاسيالىق دامۋ باسقارماسىنىڭ باسشىسى؛ 2018 - 2019 جىلدارى - الماتى قالاسى تۋريزم جانە سىرتقى بايلانىستار باسقارماسىنىڭ باسشىسى؛

2019 جىلدىڭ اقپانىنان الماتى قالاسى تۋريزم باسقارماسىنىڭ باسشىسى قىزمەتتەرىن اتقارعان.