اتىراۋدا وتكەن #birge# TazaQazaqstan» ەكولوگيالىق اكسياسىنا 8 مىڭعا جۋىق تۇرعىن قاتىستى دەپ حابارلايدى Qamshy.kz اقپارات اگەنتتىگى اتىراۋ وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.

27ء-شى شىلدەدە اتىراۋ قالاسىندا « #birge# TazaQazaqstan» ەكولوگيالىق اكسياسى اياسىندا جالپىقالالىق سەنبىلىك ءوتتى. سانيتارلىق تازالىققا 8 مىڭعا جۋىق قالا جانە قالا ماڭىنداعى اۋىلدىق وكرۋگ تۇرعىندارى، سونىڭ ىشىندە مەملەكەتتىك مەكەمەلەر مەن كاسىپورىن، ونەركاسىپ ۇجىمدارى سونداي-اق، ەرىكتىلەر توبى قاتىسىپ، 37-دەن استام تەحنيكا جۇمىلدىرىلدى. ناۋقان بارىسىندا جايىق وزەنى جانە قالا اۋماعىنداعى بارلىق سۋ توعاندارىنىڭ جاعالاۋلارىن ءىرىلى-ۇساقتى قوقىس قالدىقتارىنان تازارتۋ جۇمىستارى جۇرگىزىلدى. ناتيجەسىندە 17 توننا قوقىس جينالىپ الىندى.

- اتىراۋدا سانيتارلىق تازالىق ناۋقانى باستالعالى بەرى قالا جانە اۋدان تۇرعىندارى ءبىر اۋىزدان قولداۋدا، جايىق وزەنى جاعالاۋلارىن جانە سۋ توعاندارىن جالپى قالانى تازالاۋعا بۇگىن 8-مىڭعا تارتا تۇرعىن اتسالىستى. سوندىقتان بارلىق سەنبىلىككە قاتىسۋشىلارعا وبلىس اكىمدىگىنىڭ اتىنان العىسىمدى ايتامىن. جانەدە قالا اۋماعىنا سانيتارلىق تازالىق جۇرگىزۋ جۇمىستارى مۇنىمەن شەكتەلمەيدى. جوسپارعا ساي ءار ايدىڭ ءۇشىنشى اپتاسىندا سەنبىلىك ۇيىمداستىرىلاتىن بولادى»، - دەيدى اتىراۋ وبلىسى اكىمىنىڭ ورىنباسارى الىبەك ناۋتييەۆ