شالقاردا 21 جاستاعى جىگىت ءۇش ادامدى اتتى. جارالانعانداردىڭ ءبىرى قايتىس بولدى دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.
27 شىلدەدە شامامەن 4:33-تە اۋداندىق اۋرۋحانانىڭ قابىلداۋ بولىمىنەن شالقار قالاسىنداعى ايتەكە بي كوشەسىنىڭ "مەرەي" ساۋدا ورتالىعىنا جاقىن ماڭدا ايتەكە بي كوشەسى ماڭىندا بىتىرالى وقتان ءۇش ادام زارداپ شەككەنىن حابارلاعان.
بۇلار جەرگىلىكتى تۇرعىندار. ولار ءار ءتۇرلى دەنە جاراقاتىمەن اۋرۋحاناعا تۇسكەن. زارداپ شەككەندەردىڭ ءبىرى قايتىس بولدى.
"پوليسەيلەر جەدەل ىزدەۋ شارالارى بارىسىندا ءىزىن سۋىتپاي كۇدىكتىنى ۇستادى، ول 21 جاستاعى جەرگىلىكتى تۇرعىن ەكەنى بەلگىلى بولدى.ول كىناسىن مويىندادى"، - دەلىنگەن حابارلامادا.
كۇدىكتى 16-كاليبرلى اڭ اۋلاۋ مىلتىعىن ستاديونعا جاسىرىپ قويعان. قارۋ تاركىلەندى. سوتقا دەيىنگى تەرگەۋ شارالارى ق ر قىلمىستىق كودەكسىنىڭ 99-بابى ("ادام ءولتىرۋ") بويىنشا ءجۇرىپ جاتىر. كۇدىكتى قاماۋعا الىندى.
پىكىر قالدىرۋ