مەملەكەتتەگى قىلمىستىق ىستەر مەن جول-كولىك وقيعالارىن باقىلاۋدا قستاپ ولاردىڭ سانىنىڭ ازايۋىنا ءوز سەپتىگىن تيگىزەتىن ءبىرىنىشى كەزەكتە پوليسيا قىزمەتكەرلەرى. سوندىقتان، اتالعان سالا قىزمەتكەرلەرىن ارنايى قۇرىلعىلارمەن، قىزمەتتىك كولىكتەرمەن قامتاماسىز ەتكەن ابزال. بۇل – ءبىرىنشى كەزەكتە قىلمىس سانىنىڭ كەمۋىنە ءوز سەپتىگىن تيگىزەدى.

وسى تۇرعىدا جامبىل وبلىسىنىڭ اكىمدىگى ءاردايىم دۇرىس باعىتتا جۇمىس جاساپ ءجۇر. ماسەلەن، تاراز قالاسىنىڭ ورتالىق «دوستىق» الاڭىندا جامبىل وبلىستىق پوليسيا دەپارتامەنتىنىڭ اۋداندىق ۋچاسكەلىك ينسپەكتورلارىنا 131 سۋ جاڭا قىزمەتتىك اۆتوكولىكتىڭ كىلتى سالتاناتتى تۇردە بەرىلدى.  

اتالاعا سالتاناتتى شاراعا جامبىل وبلىسى اكىمىنىڭ ورىنباسارى نۇرجان كالەندەروۆ قاتىسىپ، پوليسيا وكىلدەرىنە سۋ جاڭا قىزمەتتىك كولىكتەردىڭ كىلتىن ءوز قولىمەن تابىستادى.

ءوز كەزەگىندە سۋ جاڭا قىزمەتتىك كولىكتەرگە يە بولعان پوليسيا قىزمەتكەرلەرى قازاقستان رەسپۋبليكاسىنا ادال قىزمەت ەتۋگە انت بەردى.

«جەرگىلىكتى اتقارۋشى ورگان تاراپىنان قوعامدىق ءتارتىپتى ساقتاۋعا بولىنەتىن قارجى كولەمى جىلدان جىلعا ۇلعايىپ كەلەدى جانە ول وڭ ناتيجەسىن بەرىپ جاتىر. ماسەلەن، ءبىزدىڭ وبلىستا بيىل تىركەلگەن قىلمىس سانى 9،2 پايىزعا تومەندەدى. دەگەنمەن، جول-كولىك وقيعالارىنىڭ 10 پايىزعا ءوسۋى ءبىزدى قاتتى الاڭداتادى. وسى تۇرعىدا پوليسيا قىزمەتكەرلەرىن ماتەريالدىق-تەحنيكالىق جابدىقتاۋ - قىلمىستىڭ سانىن ازايتۋعا، جول-كولىك وقيعالارىن شەكتەۋگە ءوز سەپتىگىن تيگىزەدى دەپ ويلايمىز»،- دەدى وبلىس اكىمىنىڭ ورىنباسارى نۇرجان ءسابيت ۇلى كىلتتى تابىستاۋ بارىسىندا.

وبلىس اكىمدىگىنىڭ مالىمەتىنشە، سوڭعى ءۇش جىلدا جەرگىلىكتى بيۋدجەتتەن وبلىستىق پوليسيا دەپارتامەنتىن قارجىلاندىرۋعا 19 ميلليارد تەڭگە قاراجات بولىنسە، بيىل وبلىستىق بيۋدجەتتەن بولىنگەن قاراجات كولەمى - 9،2 ميلليارد تەڭگەنى قۇراعان. سونىمەن قاتار، اعىمداعى جىلى وبلىستىق پوليسيا دەپارتامەنتىن ماتەريالدىق-تەحنيكالىق جابدىقتاۋ، ونىڭ ىشىندە اۆتوكولىك قۇرالدارىن ساتىپ الۋ ءۇشىن وبلىستىق بيۋدجەتتەن 486 ميلليون تەڭگە قاراستىرىلعان.

«جكەرگىلىكتى اتقارۋشى ورگان پايدالانۋعا بەرگەن سۋ جاڭا 131 قىزمەتتىك اۆتوكولىكتىڭ 115ء-ى - «نيۆا»، ال قالعان 16-سى – «ۋاز» ماركالى كولىكتەر. وسى بەرىلگەن كولىكتەر ەسەبىنەن وبلىستاعى 10 اۋداننىڭ جەتەۋىنىڭ قاجەتتىلىگى تولىعىمەن وتەلمەك. جوسپار سايكەس، كەلەر جىلى وبلىس بويىنشا پوليسيانىڭ بارلىق قاجەتتىلىگى قامتاماسىز ەتىلەدى»،-دەيدى وبلىستىق پوليسيا دەپارتامەنتىنىڭ باسشىسى ارمان ورازالييەۆ.