جامبىل وبلىسىندا ەڭ تومەنگى جالاقى مولشەرى 1،5 ەسەگە وسكەن.  بۇل تۋرالى وبلىس اكىمى  اسقار مىرزاحمەتوۆ وبلىستىق ءماسليحاتتىڭ كەزەكتەن تىس وتكەن سەسسياسىندا جاساعان بايانداماسىندا ايتتى.

وبلىس اكىمنىڭ ايتۋىنشا، جامبىلدا ەڭ تومەنگى جالاقى مولشەرى 1،5 ەسەگە (28 مىڭ تەڭگەدەن 42 مىڭعا دەيىن) ءوسىپ، بيۋدجەتتىك مەكەمەلەردەگى 32،6 مىڭ قىزمەتكەردىڭ جانە 4531 (بارلىعى 8781) جەكە سەكتورداعى 70 مىڭعا جۋىق جۇمىسكەردىڭ جالاقىسى (44،2 مىڭ تەڭگەدەن 53،6 مىڭعا، 21،2 پايىزعا) ارتقان.

«ەسەپتى كەزەڭدە 9264 جاڭا جۇمىس ورنى اشىلدى (جوسپار –12147). بۇل جوسپاردىڭ 76 پايىزىن قۇرادى.

شاعىن بيزنەس باستامالاردى ىسكە اسىرۋ ءۇشىن 1783 ادامعا قايتارىمسىز مەملەكەتتىك گرانت بەرۋگە 890 ميلليون تەڭگە (200 اەك – 505 مىڭ تەڭگەدەن) ءبولىندى. ونىڭ  309 ميلليون تەڭگەسى 611 كوپبالالى وتباسىنا قاراستىرىلدى.

اتاۋلى الەۋمەتتىك كومەك الۋشىلار سانى 2،2 ەسە ءوسىپ، 32 مىڭ وتباسىن قۇرادى (162 مىڭ ادام، 2018 جىلى – 15 مىڭ وتباسى — 74،5 مىڭ ادام) (6،7 ميلليارد تەڭگە. تولەندى، جىل سوڭىنا دەيىن 21،2 ميلليارد تەڭگە تولەنۋى قاجەت)»، – دەدى وبلىس اكىمى.

سونىمەن قاتار، ايماق باسشىسى جامبىلداعى ءبىلىم سالاسىندا دا ورىن الىپ جاتقان وڭ وزگەرىستەردى تىلگە تيەك ەتتى.

«ءبىلىم سالاسىندا 15 جەكەمەنشىك مەكتەپكە دەيىنگى ۇيىمدار اشىلدى. ناتيجەسىندە، 3 پەن 6 جاس ارالىعىنداعى بالالاردى قامتۋ ۇلەسى 98،6 پايىزعا جەتتى. جىل سوڭىنا دەيىن ءالى 12 بالاباقشا اشىلاتىن بولادى.

12 ءبىلىم نىسانىنىڭ قۇرىلىسى جۇرگىزىلۋدە، بۇگىنگى ناقتىلاۋدا قوسىمشا 5 مەكتەپتىڭ قۇرىلىسىن باستاۋعا قارجى قاراستىرىلماق. ناتيجەسىندە وبلىستاعى 4 اپاتتى، 1 ءۇش اۋسىمدى جانە ورىن تاپشىلىعى بار 5 مەكتەپتىڭ ماسەلەسى شەشىلەدى. قالعان 2 اپپاتتى مەكتەپ ماسەلەسى 2020 جىلى شەشىلەدى، 3 اۋسىمدى مەكتەپ بيىل تولىق شەشىلەدى.

ۇلتتىق ءبىرىڭعاي تەست ناتيجەسى ورتاشا 90،7 بالل قۇرادى، بۇل 2018 جىلعا قاراعاندا 1،3 بالعا جوعارى (2018 جىلى – 89،4).

مەكتەپتەگى 28 مىڭ بالانىڭ ىستىق تاماعىنا قوسىمشا 305 ميلليون تەڭگە ءبولىنىپ، 2 ميلليارد تەڭگەگە، 21 مىڭنان اسا بالانىڭ كيىم كەشەگى جانە كەڭسە تاۋارلارىن الۋعا 410 ميلليون تەڭگە ءبولىنىپ، 700 ميلليون تەڭگەگە جەتتى.

الەۋمەتتىك ساناتتاعى 75 مىڭ بالانى جازعى ساۋىقتىرۋ لاگەرىمەن قامتۋعا 314 ميلليون تەڭگە ءبولىنىپ وتىر. جالپى مەجە 213 مىڭ بالا. سونىمەن بىرگە، ارىس قالاسىنىڭ 223 بالاسى وبلىستىڭ ساۋىقتىرۋ لاگەرلەرىندە جازعى دەمالىسىن وتكىزۋدە.

كوللەدجدەردە گرانتقا 13 مىڭنان استام ستۋدەنت تەگىن ءبىلىم الۋدا، ونىڭ 50 پايىزى (6081)كوپبالالى جانە از قامسىزداندىرىلعان وتباسىنان. 2،1 ميلليارد تەڭگە – وقۋعا، 1،1 ميلليارد تەڭگە – ستيپەندياعا، 600 ميلليون تەڭگە تاماقتانۋعا ءبولىندى»، – دەدى اسقار مىرزاحمەتوۆ.

قۋانىش كەۋىلىمجاي