قىرعىزستان باق-تارى بۇرىنعى پرەزيدەنت المازبەك اتامبايەۆتىڭ رەزيدەنسياسىندا ارنايى جاساقتىڭ ءبىر بولىگى ۇستالعانىن حابارلادى دەپ جازادى Qamshy.kz اقپارات اگەنتتىگى.
Kaktus.media مالىمەتىنشە، رەزيدەنسيادان بىرنەشە ارنايى جاساق ساربازى ۇستالعان. ولاردىڭ كەيبىرى جاراقات العان. تاعى بىرەۋلەرى تالىپ قالعان. اتامبايەۆتىڭ جاقتاستارى ولاردىڭ قارۋلارىن تارتىپ العانى ايتىلادى.
وسى ۋاقىتتا المازبەك اتامبايەۆتىڭ قىزى ءاليا شاگييەۆا اكەسىنىڭ ۇستالعانى جايلى حاباردى جوققا شىعاردى.
"بىرىنشىدەن، مەنىڭ اكەم ەشقايدان قاشقان جوق، ونى ەشكىم ۇستاعان جوق، ول ءقاۋىپسىز جەردە دەگەن بارىپ تۇرعان جالعان ءسوز. ول ءالى قوي-تاشتا"، - دەپ جازدى شاگييەۆا Instagram جەلىسىندە.
مۇنىڭ الدىندا رەزيدەنسيا الدىندا باستالعان وپەراسيانىڭ ۆيدەوسى جاريالانعان ەدى. ونىڭ كادرلارىنان اتامبايەۆتىڭ شابۋىل الدىندا ءوز ءۇيىنىڭ اۋلاسىندا بولعانى كورىنەدى. وسى كەزدە اسكەريلەر وق اتا باستايدى.
+18! بۇدان ارى پسيحيكاسى تۇراقسىزدارعا جانە بالالارعا كونتەنتتى كورۋگە بولمايدى.
سۋرەتتەر 24.kg سايتىنان
وسىعان دەيىن رەزەڭكە وقپەن جارالانعانداردىڭ اراسىندا زاڭسىزدىققا قارسى حالىق شتابىنىڭ باستىعى قياس سمالييەۆ پەن جوگوركۋ كەنەشتىڭ ەكس-دەپۋتاتى ميربەك ميسكەنبايەۆ بار ەكەنى حابارلانعان.
سونىمەن قاتار، پورتال ءتىلشىسى ايدا دجۋماشوۆا جاراقات العان.
المازبەك اتامبايەۆتىڭ اينالاسىندا داۋ-داماي نەگە ءورشىپ كەتتى؟
شۋ وبلىسى بويىنشا شۇعىل كومەك كورسەتۋ ورتالىعىنىڭ وكىلدەرى شاقىرتۋ تۇسپەگەنىن حابارلادى. ءبىراق دارىگەرلەر بريگادالارىن ءبىرىنشى تالاپ بويىنشا جىبەرۋگە دايىن. كۋاگەرلەردىڭ مالىمەتتەرى بويىنشا، ارنايى قۇرالدىڭ قىزمەتكەرلەرى جارالانعاندارعا وزدەرى كومەك كورسەتەدى.
♦وقي وتىرىڭىز: اتامبايەۆتى تۇتقىنداۋ كەزىندە 15-كە جۋىق ادام جاراقات الدى. اتىس ءالى جالعاسىپ جاتىر (ۆيدەو)
دەرەككوز: Tengrinews.kz
پىكىر قالدىرۋ