ءبىلىم كۇنى جەكسەنبىگە تۇسەتىنىنە قاراماستان، 1 قىركۇيەك كۇنى قازاقستاننىڭ بارلىق مەكتەبىندە سالتاناتتى ساپ تۇزەۋ جيىنى وتەدى دەپ حابارلايدى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساپ.
اقپاراتتى ءبىلىم جانە عىلىم مينيسترلىگىنىڭ باسپا ءسوز قىزمەتى راستادى.
"ساپ تۇزەۋ 1 قىركۇيەكتە وتەدى، دەگەنمەن بۇل كۇنى مەكتەپ وقۋشىلارىنا ساباق بولمايدى"، - دەپ حابارلادى قازاقستان ءبىلىم جانە عىلىم مينيسترلىگى.
ءبىلىم مينيسترلىگىنىڭ باسشىسى اسحات ايماعامبەتوۆتىڭ ايتۋىنشا، اتا-انالاردىڭ كوپشىلىگى بالالارىن مەكتەپكە التى جاستان جىبەرەدى. ەگەر 2014 جىلى التى جاسار بالالاردىڭ 60%ء-ى مەكتەپكە بارسا، 2018 جىلى ولاردىڭ سانى 80%-عا دەيىن وسكەن.
2019 جىلدىڭ 1 قىركۇيەگىنەن باستاپ ءتورتىنشى، توعىزىنشى جانە ونىنشى سىنىپ وقۋشىلارى جاڭارتىلعان مەكتەپ باعدارلاماسىنا كوشەدى. اتاپ ايتقاندا، ونىنشى سىنىپ وقۋشىلارى "كاسىپكەرلىك جانە بيزنەس نەگىزدەرى" ءپانىن وقيدى.
پىكىر قالدىرۋ