ۇلت كوشباسشىسى نۇرسۇلتان نازاربايەۆ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا ەڭ الدىمەن الەۋمەتتىڭ الەۋەتىن كوتەرۋ قاجەتتىگىن باسا ايتتى. ال قارا حالىقتىڭ قامىنا باعىتتالعان جوبالار جامبىل وبلىسىندا از ەمەس. سونىڭ بىرەگەيى اۋىلداردى اۋىزسۋمەن قامتۋعا باعىتتالعان «اقبۇلاق» جانە «اۋىزسۋ» باستاماسى. «اۋىل – ەل بەسىگى» مەملەكەتتىك باعدارلاماسى بويىنا جاندانعان جوبالاردىڭ ءبىر لەگى ت.رىسقۇلوۆ اۋدانىندا باعدارىن تاۋىپ جاتىر.

ماسەلەن 64512 ادام تۇراتىن ت.رىسقۇلوۆ اۋدانىندا 43 اۋىلدىق ەلدى مەكەننىڭ 26 (60،4%) اۋىلىندا اۋىزسۋ جۇيەسى بار (55029 ادام نەمەسە 85،3%)) جانە 17 (39،6%) اۋىل تۇرعىندارى قۇدىقتان جانە ۇنعىمادان (ارتەزيان) (9483 ادام نەمەسە 14،7%) سۋ الادى. 2007 جىلدان بەرى 17 ەلدى مەكەندە (45727 ادام نەمەسە 70،9%) «اۋىز سۋ» جانە «اقبۇلاق» باعدارلامالارى اياسىندا جاڭا اۋىز سۋ جۇيەلەرى قۇرىلىسى جۇرگىزىلىپ، پايدالانۋعا بەرىلگەن.اتالعان اۋىزسۋ جۇيەلەرىنە «تازا سۋ-2014»مەكەمەسى قىزمەت كورسەتەدى، تۇتىنۋشىلار سانى 34588 ادام، ياعني 6161 اۋلا، تۇتىنۋشىلار ەسەپتەۋ اسپاپتارىمەن قامتاماسىز ەتىلگەن.ورتالىقتاندىرىلعان اۋىزسۋ جۇرگىزىلگەن ەلدى مەكەندەرىنە قاراستى اۋىلداردا اۋىزسۋ جۇيەسىنە قوسىلماعان تۇرعىن ۇيلەردى قوسۋ جۇمىستارىن جۇرگىزۋ ءۇشىن ءىس-شارالار جوسپارى بەكىتىلىپ، 5 ەلدى مەكەن بويىنشا 1031 اۋلادا 3915 حالىق سانى انىقتالدى. كەستەگە سايكەس ماۋسىم ايىندا 250 اۋلا ،910 ادام اۋىزسۋ جۇيەسىنە قوسىلدى.لۋگوۆوي، اقىرتوبە، قوراعاتى ستانسياسى اۋىلدارىنا «تەمىرجول-سۋ» مەكەمەسى قىزمەت كورسەتەدى.

قازىرگى ۋاقىتتا كەزەڭ-كەزەڭىمەن ەسكى سۋ جۇيەسىنىڭ توزىعى جەتكەن بايتەلى، قۇمارىق، العاباس، تاسشولاق، ءابجاپار، جالپاقساز، ر.سابدەنوۆ، قازاق، جاڭاتۇرمىس، مالدىباي، ءسالىمباي، جارلىسۋ، سوگەتى، مامايقايىڭدى اۋىلدارىنا جاڭا اۋىز سۋ جۇيەسىن جۇرگىزۋ مۇمكىندىكتەرىن قاراستىرۋ ءۇشىن سۋ جۇيەسى جاعدايى، ماسەلەلەرى تاعى دا تياناقتى زەردەلەنۋدە. بۇگىنگى تاڭدا جاڭا سۋ قۇبىرىنىڭ قۇرىلىسىنا بايتەلى، تاسشولاق، قۇمارىق، قاراكەمەر، جارلىسۋ، ءابجاپار، العاباس اۋىلدارىنا جسق دايىندالىپ، مەملەكەتتىك ساراپتامادان ءوتتى. بيۋدجەتتىك ءوتىنىم جاسالىنىپ، قۇرىلىس جۇمىستارىن 2020-2022 جىلدارى جۇرگىزۋ ماقساتىندا قاراجات سۇراتىلۋدا.

سۋ - تىرشىلىك كوزى. ال تازا اۋىزسۋدىڭ اۋىل تۇرعىندارىنىڭ ومىرىندە ايرىقشا ورىن الاتىنى بەلگىلى. راس، كەڭەستىك كەزەڭنەن كەيىن قارا شاڭىراق اۋىل باسىنان كوپ قيىندىقتى وتكەردى. تازا اۋىزسۋ تۇگىلى، حالىق ارىقتاعى اعىنسۋعا قول جەتكىزە المادى. دەسە دە تاۋەلسىزدىك تاڭىنىڭ ەڭ تەڭدەسسىز تارتۋى ورتالىقتاندىرىلعان اۋىزسۋدى تۇتىنۋدامىز.

ەندى قۇلاندىقتار دا اۋىزسۋدى ارىقتان تاسىپ ىشپەيتىن بولدى.