اۋىلدىڭ اجارىن اشۋ مەملەكەتتىك ساياساتتىڭ ۇستانعان باسىم باعىتتارىنىڭ ءبىرى. اسىرە شالعايداعى جۇرتتىڭ شارۋاسىن شالقىتۋ ءۇشىن «اۋىل – ەل بەسىگى» جوباسىنىڭ تيگىزىپ جاتقان شاراپاتى مول. ماسەلەن جامبىل وبلىسى ت.رىسقۇلوۆ اۋدانىندا مەملەكەتتىك باعدارلاما اياسىندا كوگىلدىر وتىن تارتۋ جۇمىستارى تىرلىگىن تىكتەپ تابۋدا دەپ جازادى Qamshy.kz اقپارات اگەنتتىگى. 

جالپى اتالعان اۋدان بويىنشا 1990 جىلدارى گاز قۇبىرى تارتىلعان ءتورت ەلدى مەكەن-قۇلان، اقىرتوبە، كوگەرشىن، كوكدونەن اۋىلدارى بولسا، 2012 جىلعا دەيىن گاز كىرگىزىلگەن جاقسىلىق جانە اباي اۋىلدىق وكرۋگىنىڭ ەڭبەكشى، كوكارىق اۋىلدارى دا قوسىلىپ وتىر.

2012 جىلدان بەرى گاز قۇبىرى 18 ەلدى مەكەنگە- مالدىباي، قۇمارىق، قاراقات، تەرەڭوزەك، كوكارىق، ورنەك، لۋگوۆوي، جارلىسۋ، ر.سابدەنوۆ، ءابجاپار، ءسالىمباي، قاراكەمەر، العاباس،قايىڭدى، مامايقايىڭدى، قىزىل شارۋا، سوگەتى اۋىلدارىنا گاز قۇبىرى پايدالانۋعا بەرىلدى. گازداندىرىلعان ەلدى مەكەندەر سانى- 24، بۇل اۋدان ەلدى مەكەندەرىنىڭ 56،0 پايىزى.

گاز قۇبىرى تارتىلماعان ەلدى مەكەندەردىڭ جالپى سانى-19، ونىڭ ىشىندە گاز كىرمەگەن 12 ەلدى مەكەن: جاڭاتۇرمىس، كامەنكا، قازاق، جالپاقساز، تاسشولاق، قوراعاتى، بايتەلى، د.قونايەۆ، ءابىلحايىر، قوراعاتى ستانساسى، شوڭگەر، شولاققايىڭدى اۋىلدارى. قالعان 7 ەلدى مەكەن گازداندىرىلۋ ىقتيمالدىعى تومەن از قونىستانعان جانە شالعاي ورنالاسقان ەلدى مەكەندەر ساناتىنا جاتادى: اققاينار، تويقۇدىق، مامىرتوبە، قوساپان، سۇمقايتى، قۇمارىق رازەزى، رازەزد-98.

جالپى اۋدان ەلدى مەكەندەرىندە 12672 اۋلا بولسا، ونىڭ 40257 ادام جانە 9624 اۋلا نەمەسە 62،4 پايىزى گازبەن قامتىلعان. گاز قۇبىرى تارتىلماعان 6 اۋىلعا د.قونايەۆ، ءابىلحايىر، بايتەلى، قوراعاتى، شوڭگەر، شولاققايىڭدى اۋىلدارىنا 2019 جىلى گاز تارتۋ جۇمىستارىن جۇرگىزۋگە جوبالىق سمەتالىق قۇجاتتاما (جسق) دايىنداۋ ءۇشىن جەرگىلىكتى بيۋدجەتتەن 15،0 ميلليون تەڭگە قاراجات ءبولىندى. بۇگىنگى تاڭدا مەملەكەتتىك كونكۋرس پروسەسى جۇرگىزىلۋدە.

گاز قۇبىرى تارتىلماعان ەلدى مەكەندەرگە 2019-2020 جىلى گاز تارتۋعا جسق دايىندالىپ، بيۋدجەتتىك ءوتىنىم بەرىلىپ، 2020-2021 جىلدارى ەلدى مەكەندەر گاز قۇبىرىمەن تولىق قامتۋ ماقساتىندا قاراجات سۇراتىلۋدا.

كوگىلدىر وتىنعا كوپشىلىك قول جەتكىزسە، بۇل بۇقارا ءۇشىن ۇلكەن ولجا بولارى داۋسىز. سەبەبى بىرەر جىلدان بەرى گاز قۇبىرلارى جۇرگىزىلىپ جاتقان شۋ اۋدانىنىڭ تۇرعىندارىنىڭ ءوزى ءالى تولىقتاي گازدىڭ راقاتىن كورە الماي وتىر. ال مويىنقۇم سىندى شالعاي اۋىلدار ءتىپتى كەلەر ونجىلدىقتىڭ جوسپارىنا ەندى ەندى. سوندىقتان ت.رىسقۇلوۆ اۋدانى تۇرعىندارىنىڭ بوركىن اسپانعا اتىپ، قۋانۋعا تولىق قۇقىعى بار. ويتكەنى بۇل ولكە 2020-2021 جىلدارى تولىقتاي كوگىلدىر وتىننىڭ قىزىعىن كورگەلى وتىر.

ەل ءۇشىن جاسالعان يگى باستاما دەگەن وسى شىعار، ءسىرا...