جول ءقادىرىن جۇرگەن بىلەدى. ال ساپاسىز جول جۇرگىزۋشىنىڭ دە، جولاۋشىنىڭ دا جۇيكەسىنە تيەرى داۋسىز. وسى ورايدا وڭىرلەردى دامىتۋ مەملەكەتتىك باعدارلاماسىنان باستاۋ الىپ، بيىو «اۋىل – ەل بەسىگى» جوباسى اياسىندا جۇيەسىن تاۋىپ جاتقان تىرلىكتەر قۋانتادى. مۇنداي اۋقىمدا باستامالار جامبىل وبلىسى ت.رىسقۇلوۆ اۋدانىندا دا تەتىگىن تابۋدا دەپ جازادى Qamshy.kz اقپارات اگەنتتىگى. 

بۇگىندە اۋدانداعى ەلدى مەكەنگە ماڭىزى بار اۆتوموبيل جولدارىنىڭ ۇزىندىعى 100،03 شاقىرىمدى قۇراسا، اۋىلدارداعيا كوشەلەردىڭ جالپى ۇزىندىعى-309،7 شاقىرىم.

2019 جىلى 8،8 شاقىرىم ەكى اۋداندىق ماڭىزى بار اۆتوموبيل جولدارىن جوندەۋگە («قاراقات اۋىلىنا كىرە بەرىس» 2،1 شاقىرىم 36 515،7 مىڭ تەڭگە جانە «تەرەڭوزەك-كوكارىق-شولاققايىندى» 6،72 شاقىرىم 119 926،9 مىڭ.تەڭگە) بارلىعى 156 442،7 مىڭ تەڭگە قاراجات مولشەرىندە اۆتوموبيل جولدارىن ورتاشا جوندەۋ جۇمىستارى باستالۋدا. 240 337،0 مىڭ تەڭگەگە 22،4 شاقىرىم 23 كوشە جولدارىن ورتاشا جوندەۋ ماقساتىندا مەملەكەتتىك ساتىپ الۋ كونكۋرسى ويناتىلۋدا. ناتيجەسىندە جالپى 2019 جىلى 396 779،7 مىڭ تەڭگەگە اۋدان بويىنشا اۆتوموبيل جانە كوشە جولدارى جوندەلەدى.اۋداندىق بيۋدجەتتەن 6 دانا باعدارشامدى كۇتىپ-ۇستاۋعا 3600،0 مىڭ تەڭگە ءبولىنىپ، باردارشامدار كۇتىپ ۇستالۋدا. اۋدان شەكاراسىنان رەسپۋبليكالىق ماڭىزى بار 96 شاقىرىم اۆتوموبيل جولدارى وتەدى.

قىسقى-جازعى ماۋسىمدارىندا 409-453 شاقىرىم ارالىعىن 44 شاقىرىم «دەۋ-82» ءجشس-ى، 357-409 شاقىرىم ارالىعىن 52 شاقىرىم «دەۋ-35» ءجشس-ى قىزمەت كورسەتەدى.

جولاۋشىلاردى جانە جۇك تاسىمالداۋمەن جەكەمەنشىك نىسانداعى 2 تاسىمالداۋشى اينالىسادى. اۋدان ورتالىعىنان تاراز قالاسىنا جانە ەلدى مەكەندەرگە اۆتوبۋس باعىتتارى ۇيىمداستىرىلعان. ۇيىمداستىرىلعان مارشرۋتتار ىشىندە وبلىسىشىلىك، قالاارالىق 1 مارشرۋت، اۋدانارالىق 5 مارشرۋت بار.اۋدان اۋماعىندا 11 باعىتتا مارشرۋت قاراستىرىلعان. 2017 جىلدىڭ ءساۋىر ايىندا «قۇلان-لوگيستيك» ءجشس-ى اۋداندا 5 جىلعا جولاۋشىلاردى تاسىمالداۋ قىزمەتى قۇقىعىنا يە بولدى. اۋدان بويىنشا 100 ادامنان اساتىن ەلدى مەكەندەردى قوعامدىق كولىكپەن قامتۋ بويىنشا 39 ەلدى مەكەننىڭ بارلىعى جولاۋشىلار تاسىمالدايتىن كولىكپەن قامتىلعان.

مىنە، وسىلايشا قۇلاندىقتار تاسىمال مەن تاس جولداردىڭ ماسەلەسىن كەزەڭ-كەزەڭىمەن شەشۋدە. بۇل ارينە ەڭ ءبىرىنشى ەل ەرتەڭى، حالىقتىڭ كەلەشەگى ءۇشىن جاسالىپ جاتقان دۇنيە ەكەنى داۋسىز.

ارينە، مەملەكەتتىك باعدارلامالار بولماسا مۇنداي يگىلىكتى كورۋ مۇمكىن ەمەس. سوندىقتان قۇلاندىقتار مەملەكەت باسشىسى قاسىم-جومارت

توقايەۆقا جانە وبلىس اكىمى اسقار مىرزاحمەتوۆكە تەك العىستارىن ايتۋدا. ال حالىقتىڭ العىسىنان ارتىق ەشتەڭكە جوق ەكەنى تاعى ايقىن.