قىرىق قاتپار تىرلىكتى قىبىن تاپقان بىلەدى. سوندىقتان اۋىلدىق جەرلەردە ۇساق-تۇيەك ماسەلەلەرگە دەيىن بۇقارانىڭ جانىنا باتىپ جاتاتىنى بار. سوندىقتان جەرگىلىكتى بيلىك جۇرتتىڭ ءوتىنىشى مەن تىلەۋىن ەشقاشان ەسكەرۋسىز قالدىرعان ەمەس. بۇل جايىندا مەملەكەت باسشىسى قاسىم-جومارت توقايەۆ تا باسا ايتىپ، ەلمەن ەتەنە جاقىن بولۋعا شاقىرىپ كەلەدى. وسىنىڭ ءبىر ۇلگىسى رەتىندە ت.رىسقۇلوۆ اۋدانىندا كوپتىڭ كوكەيىندەگى ماسەلەلەرگە كوڭىل بولىنۋدە دەپ جازادى Qamshy.kz اقپارات اگەنتتىگى.
ماسەلەن وتىن-ەنەرگەتيكا كەشەنى نىساندارىنىڭ 2019-2020 جىلدارداعى جىلۋ بەرۋ ماۋسىمىنا دايىندىعى-بۇگىنگى كۇننىڭ وزەكتى ماسەلەسىنە اينالعان. اۋدان اۋماعىنداعى وتىن-ەنەرگەتيكا كەشەنى نىساندارىن 2019-2020 جىلدارداعى جىلۋ بەرۋ ماۋسىمىن ساپالى وتكەرۋ ماقساتىندا اۋدان اكىمدىگىنىڭ 2019 جىلعى 31 مامىرداعى №186 قاۋلىسىنا سايكەس وتىن-ەنەرگەتيكا كەشەنى نىساندارىن جاڭا جىلۋ ماۋسىمىنا دايىنداۋ ءىس-شارالار جوسپارى، كوميسسيا قۇرامى بەكىتىلگەن.
اۋدان اۋماعىندا 152 الەۋمەتتىك نىسانداردىڭ 49-ى گازبەن، 101ء-ى كومىرمەن، 1ء-ى سۇيىق وتىنمەن، 1ء-ى مازۋتپەن جىلىتىلادى.ءبىلىم مەكەمەلەرىنىڭ قازاندىقتارىنىڭ 77% تيپتىك وتقازاندىق، 23% شاعىن وتقازاندىق، 42،5% گازداندىرىلعان. مادەنيەت سالاسى نىساندارىنىڭ 5،3 % تيپتىك، 94،7 % شاعىن وتقازاندىق، 12،3 % گازداندىرىلعان. دەنساۋلىق ساقتاۋ سالاسى مەكەمەلەرىنىڭ 9،5% تيپتىك، 90،5% شاعىن وتقازاندىقتى، گازداندىرىلعانى 40% قۇرايدى.
الدىن الا جوسپار بويىنشا اۋداندىق بيۋدجەتتىك مەكەمەلەرگە قاجەتتى شامامەن 7306 توننا كومىر ساتىپ الۋ جوسپارلانۋدا. تۇرعىندارعا قاجەتتى كومىر -11500 توننا
2019 جىلى جالپى اباتتاندىرۋ جانە سانيتارلىق تازالىق جۇمىستارىنا 43،111 ملن.تەڭگە قاراستىرىلىپ، ونىڭ ىشىندە: 30،111 ملن.تەڭگە اباتتاندىرۋ-كوگالداندىرۋ جۇمىستارىنا، ال 13،000 ملن. تەڭگە سانيتارلىق تازالىق جۇمىستارىنا بولىنگەن.
كوكتەمگى ەكى ايلىقتا بارلىعى ەگىلەتىن تال-تەرەك جوسپارى 950 دانا، گۇلزارلار ورنالاستىرۋ جوسپارى 1600م2، كوگال ورنالاستىرۋ جوسپارى 2710م2، ارىق جانە كانالدار تازالاۋ جوسپارى 35 شق، كوشەلەردى تازالاۋ 245 شق، ساياباقتاردى، سكۆەرلەردى تازالاۋ جانە كورىكتەندىرۋ 1400، كەزدەيسوق كۇل-قوقىس ورىندارىن تازالاۋ 225 توننا تولىعىمەن ورىندالدى.
ت.رىسقۇلوۆ اۋدانى بويىنشا تۇرمىستىق قالدىقتاردى پوليگوندارعا تاسىمالداۋ جۇمىستارىن «تازالىق» جك اۋىل تۇرعىندارىمەن كەلىسىم-شارت جاساپ، ايىنا جەكە تۇلعالارعا 400 تەڭگەدەن، زاڭدى تۇلعالارعا 1000 تەڭگەدەن، جالعىز باستىلارعا 200 تەڭگەدەن جانە 1-2 توپتاعى مۇگەدەكتەرگە تەگىن. ايىنا ءبىر ۇيدەن 16 مۇشەك قالدىقتار شىعارادى جانە وكرۋگ اكىمشىلىكتەرىمەن كەلىسىم-شارتقا تۇرىپ ءتيىستى جۇمىستار اتقارادى. 2018 جىلى اۋدان حالقىنا قالدىقتاردى جيناۋ جانە تاسىمالداۋ بويىنشا كورسەتىلگەن قىزمەتتەرمەن قامتۋ ۇلەسى 92% بولدى. 2019 جىلى بۇل كورسەتكىش 93% قامتۋ جوسپارلانۋدا. قاتتى قالدىقتاردى تاسىمالداۋ بويىنشا «تازالىق» جك-دە 2 زيل،1 تراكتور، 1 كران قىزمەت ەتەدى. قوسىمشا اۋدانعا «تازا سۋ-2014» مەكەمەسىندە 4 تراكتور تىركەمەسىمەن 2017 جىلى الىنعان، ءتيىستى جۇمىستار اتقارادى.
بۇل ارينە ءقايسىبىر جانعا ۇساق-تۇيەك تىرلىك بولىپ كورىنگەنىمەن، قىرىق قاتپار تىرلىكتىڭ قىبىن تاپقان عانا بىلەتىنىن ۇمىتپاعان ءجون.
پىكىر قالدىرۋ