ينۆەستيسيا ەل يگىلىگىنە جۇمسالۋى قاجەت. بۇل بۇگىندە مەملەكەتىمىزدىڭ ۇستانعان ۇراندارىنىڭ ءبىرى. سوندىقتان اكىم قارالار سىرتتان قارجى تارتۋعا بارىنشا كۇش سالۋدا. ماسەلەن ت.رىسقۇلوۆ اۋدانى اۋماعىندا يندۋستريالدى-يننوۆاسيالىق دامىتۋ باعدارلاماسى ناتيجەلى ىسكە اسىرىلۋدا دەپ جازادى Qamshy.kz اقپارات اگەنتتىگى.
2019 -2021 جىلدارى «يندۋستريالاندىرۋ كارتاسىنا» نەمەسە «وڭىرلەر كاسىپكەرلىگىن قولداۋ كارتاسىنا» الەۋەتتى جوبالار ىسكە اسىرۋعا ۇسىنىلاتىن جوبالار: «اگروپارك قۇلان» ينتەنسيۆتى ب ا ق جوباسى، قۇلان اۋىلىندا ورنالاسقان 2017 جىلى جۇمىسىن باستادى. جەر كولەمى- 528 گا. جوبانىڭ جالپى قۇنى 16،5 ملرد. تەڭگەنى قۇرايدى. جىلدىق قۋاتتىلىعى ورتاشا ەسەپپەن 1900 تونناعا دەيىن ءونىم بەرىلەدى دەپ جوسپارلانىپ، تۇراقتى 300 ادام جۇمىس جاساۋعا ارنالعان جوبا 2020-2021 جىلدارى ىسكە قوسىلادى.
قۇلان اۋىلىندا ورنالاسقان «شالقار» شارۋا قوجالىعى 2017 جىلدان باستاپ 1500 باس ءىرى قارا مالعا ارناپ ۇزىندىعى 100 مەترلىك، ەنى 20 مەترلىك 4 بازدىڭ قۇرىلىس جۇمىستارىن جۇرگىزۋدە. قۇرىلىس جۇمىستارى 2019 جىلدىڭ ەكىنشى جارتىسىندا اياقتالادى. جىلدىق قۋاتتىلىعى 900 تونناعا دەيىن ەت وتكىزىپ، 30-35 ادامعا تۇراقتى جۇمىس ورنى اشىلادى دەپ جوسپارلانۋدا.
«BioEnergia» ج ش س بيوگازدىق قۇرىلىمداعى 4،95 مۆت ەلەكتروستانسياسى 2020 جىلى ىسكە قوسىلادى. جوبا قۇنى 6 ملرد. 4 ملن. تەڭگەنى قۇرايدى. جوبا ىسكە اسقان ۋاقىتتا ورتاشا ەسەپپەن 60 ورىندىق جۇمىس ورنى اشىلادى دەپ جوسپارلانۋدا. ورنالاسقان جەرى-قۇلان اۋىلى؛
اۋدانعا الەۋەتتى ينۆەستورلار تارتۋ ءۇشىن اۋىلشارۋاشىلىق ونىمدەرىن وندىرەتىن، قايتا وندەپ ساقتايتىن كەشەندەر جەلىسىن دامىتۋ ءۇشىن باسقا دا ءتيىمدى جوبالار بويىنشا اۋدان اكىمىنىڭ جەكە سايتى، باسقا دا اقپاراتتىق جەلىلەر ارقىلى كاسىپكەرلەرگە، ينۆەستورلارعا ۇسىنىستار بەرىلۋدە.
ت.رىسقۇلوۆ اۋدانى اكىمدىگىنىڭ كاسىپكەرلىك جانە ونەركاسىپ ءبولىمى مەملەكەتتىك باعدارلامالار بويىنشا اۋدان كاسىپكەرلەرىنە تولىق مالىمەتتەردى جەتكىزىپ، ىى-دەڭگەيلى بانكتەرگە، ءار ءتۇرلى قورلارعا سۇيەمەلدەۋ جۇمىستارىن جۇرگىزىپ كەلەدى.
«بيزنەستىڭ جول كارتاسى -2020» باعدارلاماسى قازاقستان رەسپۋبليكاسى ۇكىمەتىنىڭ 2010 جىلعى 13 ساۋىردەگى №301 قاۋلىسىمەن بەكىتىلگەن. باعدارلامانىڭ ماقساتى: ەكونوميكانىڭ شيكىزات ەمەس سەكتورلارىندا وڭىرلىك كاسىپكەرلىكتىڭ ورنىقتى جانە تەڭگەرىمدى ءوسۋىن قامتاماسىز ەتۋ، سونداي-اق قازىرگى تۇراقتى جۇمىس ورىندارىن ساقتاپ قالۋ جانە جاڭالارىن قۇرۋ.
«بيزنەستىڭ جول كارتاسى -2020» باعدارلاماسى بويىنشا 2017-2018 جىلدارى اۋدان اۋماعىندا نەسيە العان 7 كاسىپكەر 147،2 ملن.تەڭگەگە ءوز كاسىپتەرىن دامىتۋدا. بۇل جۇمىس اۋدان اۋماعىندا ءوز جالعاسىن تاۋىپ، شاعىن جانە ورتا كاسىپكەرلىك سۋبەكتىلەرى ءوز قىزمەتتەرى مەن جۇمىستارىن جانداندىرۋدا.
پىكىر قالدىرۋ