جامبىلدىقتاردىڭ 96 پايىزى ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى جايىندا بىلەدى. بۇل دەرەكتەر وبلىس اۋماعىندا اتالعان باعدارلامانىڭ ىسكە اسىرىلۋ بارىسىن قاداعالاۋ ماقساتىندا تۇراقتى تۇردە جۇرگىزىلەتىن مونيتورينگ ناتيجەسىندە بەلگىلى بولىپ وتىر دەپ جازادى Qamshy.kz اقپارات اگەنتتىگى. 

جالپى ەلباسىنىڭ باعدارلامالىق ماقالاسى جاريالانعان بەرگى ارالىقتا وبلىستا جالپى كولەمى 2،5 ميلليارد تەڭگەنى قۇرايتىن 230 جوبا جۇزەگە اسىرىلعان. قازىرگى تاڭدا وڭىردە ەلباسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ»، «ۇلى دالانىڭ جەتى قىرى» باعدارلامالارىن جۇزەگە اسىرىلۋىن باقىلاۋ، ماقالالارداعى «باسەكەگە قابىلەتتىلىك»، «پراگماتيزم»، «ۇلتتىق بىرەگەيلىكتى ساقتاۋ»، «ءبىلىمنىڭ سالتانات قۇرۋى»، «قازاقستاننىڭ ريەۆوليۋسيالىق ەمەس، ەۆوليۋسيالىق دامۋى»، «سانانىڭ اشىقتىعى» باعىتتارى، «قازاق ءتىلىن لاتىن الىپبيىنە كوشىرۋ»، «100 جاڭا كىتاپ»، «تۋعان جەر»، «قازاقستاننىڭ كيەلى جەرلەرىنىڭ گەوگرافياسى»، «جاھانداعى زاماناۋي قازاقستاندىق مادەنيەت»، «100 جاڭا ەسىم»، «اۋىل – ەل بەسىگى»، «ارحيۆ-2025»، «ۇلى دالانىڭ ۇلى ەسىمدەرى»، «تۇركى الەمىنىڭ گەنەزيسى»، «ۇلى دالانىڭ ەجەلگى ونەر جانە تەحنولوگيالار مۋزەيى»، «دالا فولكلورى مەن مۋزىكاسىنىڭ مىڭ جىلى»، «تاريحتىڭ كينو ونەرى مەن تەليەۆيزياداعى كورىنىسى» جوبالارى اياسىندا جۇمىستار جۇرگىزەتىن «رۋحاني جاڭعىرۋ» جوبالىق ءوفيسى» قىزمەت كورسەتۋدە. جوبالىق وفيس جەتەكشىسى سەرىكبول بەرىكقوجا بارلىق ارنايى جوبالار سالاارالىق ءىس-شارالار جوسپارىنىڭ وبلىس اكىمىمەن بەكىتىلەتىن ايتادى.

–جوسپار بويىنشا بيىل وڭىردە 83 اۋقىمدى ءىس-شارا ۇيىمداستىرىلادى. «بولاشاققا باعدار:رۋحاني جاڭعىرۋ» باعدارلامالىق ماقالاسىنان تۋىنداعان مىندەتتەردى جۇزەگە اسىرۋدى كوزدەيتىن بۇل شارالارعا وبلىستىق بيۋدجەتتەن 304،3 ميلليون تەڭگە قارجى جۇمسالادى. سونداي-اق الداعى ۋاقىتتا جاس تالانتتاردىڭ ەڭبەگىنە لايىقتى باعا بەرۋ ماقساتىندا «اۋليەاتا ءۇمىتى» سىيلىعىن ۇيىمداستىرۋعا نيەت ەتىپ وتىرمىز. مۇنان بولەك، قايىرىمدى جاندار مەن كاسىپكەرلەردى ىنتالاندىرۋ ماقساتىندا «جومارت جۇرەك» بايقاۋى ءداستۇرلى تۇردە وتكىزىلىپ كەلەدى. وبلىس اۋماعىندا «رۋحاني جاڭعىرۋ» باعدارلاماسىندا اتقارىلاتىن جۇمىستاردىڭ جوسپارىنا «جايناعان جامبىلىم» فوتوجيناعىن باسىپ شىعارۋ، «تۋعان جەرگە تۋىڭدى تىك!» فورۋمىن ۇيىمداستىرۋ سىندى شارالار دا ەنگىزىلگەن،–دەيدى سەرىكبول بەرىكقوجا.