جاستار جىلىنىڭ جەتى ايى ارتتا قالدى. جارتى جىلدا جاستار ساياساتىن وڭتايلاندىرۋ باعىتىندا نەندەي جۇمىستار اتقارىلدى؟ جامبىلدىق جاستار مەملەكەتتىك باعدارلامالاردىڭ بارلىق شاراپاتىن كورە الۋدا ما؟ بۇل ساۋالدار بۇگىندە ءوزىنىڭ تولىقتاي جاۋابىن تاپقانداي. ولاي دەيتىنىمىز ەلباسى جاستار جىلىن جاريالاعاننان كەيىن جاستار باعىتىنا جاڭا لەپ پەن قارقىن كەلدى دەپ جازادى Qamshy.kz اقپارات اگەنتتىگى.
جاستار جىلىنا وراي جامبىل وبلىسىندا ايرىقشا ايتارى «جاستار اللەياسى» اشىلدى. وندا بىرنەشە نىساندار بوي كوتەرىپ، ونىڭ ءبىرى «جاستار قابىلەت ورتالىعى» كوپشىلىككە قىزمەت كورسەتۋدە.
ال «قامقور» ۆولونتەرلىك-قايىرىمدىلىق جوباسى قولعا الىنعالى 2 مىڭعا جۋىق ەرىكتىلەر دەرەكقورى جاسالدى. تاراز قالاسىندا 3 قايىرىمدىلىق دۇكەنى اشىلدى.
اتالعان دۇكەندەر 977 وتباسىعا 4 تونناعا جۋىق كيىم-كەشەك ۇلەستىرىپ، 609 وتباسىعا 3،2 ميلليون تەڭگەگە ازىق-تۇلىكپەن كومەك كورسەتىلدى.
بۇگىندە «قامقوردىڭ» 30 مۇشەسى ارىس قالاسىن قالپىنا كەلتىرۋ جۇمىستارىنا دا جۇمىلدىرىلىپ وتىر.
جاڭا بيزنەس-يدەيالاردى ىسكە اسىرۋ ءۇشىن وبلىستىق بيۋدجەتتەن 300 ميلليون تەڭگە، ال رەسپۋبليكالىق بيۋدجەتتەن 166 ميلليون تەڭگە گرانت ءبولىنىپ، 466 جاستىڭ قۇجاتى قارالۋ ۇستىندە.
وسى جىلى 11 مىڭ جاس جۇمىسپەن قامتۋدىڭ بەلسەندى شارالارىنا تارتۋ جوسپارلانسا، ەسەپتى كەزەڭگە 7 مىڭعا جۋىق جاس قامتىلعان.
«ديپلوممەن اۋىلعا» باعدارلاماسى اياسىندا 344 مامانعا 61 ميلليون تەڭگە كوتەرمە جاردەماقى، 123 مامانعا تۇرعىن ءۇي ساتىپ الۋعا 445 ميلليون تەڭگە نەسيە بەرىلدى.
سپورت سالاسىندا دا جەتىستىگىمىز از ەمەس. وبلىستىڭ 893 سپورتشىسى ۇلتتىق قۇراما كومانداسى مۇشەلىگىنە ەندى.
جارتى جىلدا حالىقارالىق جانە رەسپۋبليكالىق جارىستاردا 267 التىن، 196 كۇمىس، 233 قولا مەدالمەن ورالىپ، مەرەيىمىزدى ۇستەم ەتتى.
اتاپ ايتساق، دزيۋدودان ەلدوس سمەتوۆ انتاليا جانە بۋداپەشت قالاسىندا وتكەن الەمدىك گران-پري ءتۋرنيرىنىڭ جەڭىمپازى اتانسا، نەاپول قالاسىندا وتكەن ۋنيۆەرسيادا ويىندارىندا قىرىقباي عالىمجان التىن مەدال يەلەندى.
تاراز قالاسىنداعى «جاستار» ستاديونى كۇردەلى جوندەۋدەن وتكىزىلۋدە. تارازدا 3 دەنە شىنىقتىرۋ كەشەنىن سالۋعا جوبالاۋ-سمەتالىق قۇجاتتار دايىندالدالىپ، ەل يگىلىگىنە بەرىلەتىن كۇندى كۇتۋدە.
تۇرعىنداردىڭ سپورتپەن شۇعىلدانۋىنا اۋلالاردا جانە ساياباقتاردا بيىل 210 سپورت الاڭشاسىن سالۋ جوسپارلانسا، بۇگىنگە ونىڭ 25ء-ى قولدانىسقا بەرىلدى. (تاراز قالاسى – 5، بايزاق اۋدانى – 5، جامبىل– 2، قورداي – 1، مەركى – 3، سارىسۋ – 2، تالاس – 1، ت.رىسقۇلوۆ – 3، شۋ اۋدانى – 3)
مادەنيەت سالاسىنا توقتالساق. اۋىلدىق كىتاپحانالار بازاسىندا 119 «سيفرلىق اقپاراتتىق ورتالىق» اشىلدى. وندا ارناۋلى سايت ارقىلى اۋىل تۇرعىندارىنىڭ كۇندەلىكتى تۇرمىسىنا قاجەتتى 13 سالا بويىنشا اقپاراتتار
جانە (ءبىلىم بەرۋ، اۋىل شارۋاشىلىعى، سپورت، جۇمىسقا ورنالاستىرۋ جانە ت.ب.)، مەملەكەتتىك قىزمەتتەر الۋعا مۇمكىندىك جاسالدى. (مەكەنجاي، زەينەتاقى اۋدارىمدارى تۋرالى انىقتاما، نەكە تۋرالى ءوتىنىش، بالاباقشاعا كەزەك، جىلجىمايتىن مۇلىك، ازاماتتىڭ سوتتىلىعىنىڭ نەمەسە سوتتىلىعىنىڭ جوقتىعى تۋرالى انىقتاما).
جىل سوڭىنا دەيىن ينتەرنەتى بار بارلىق اۋىل وكرۋگ كىتاپحانالاردا وسىنداي ورتالىقتار اشىلماق.
بۇنىڭ ءبارى جاستاردى قولداۋ مەن ەل كەلەشەكتەرىن تاربيەلەۋ باعىتىندا جاسالىپ جاتقان يگى قادامدار.
پىكىر قالدىرۋ