جۋىردا وبلىستىق جاستار ساياساتى ماسەلەلەرى باسقارماسىنىڭ ۇيىمداستىرۋىمەن تۇڭعىش پرەزيدەنتىمىز ن.ءا.نازاربايەۆتىڭ «بولاشاققا باعدار: رۋحاني جاڭعىرۋ» اتتى ماقالاسى اياسىندا وبلىس جاستارى اراسىنداعى «اۋليەاتا جاۋھارلارى» اتتى تاريحي-تانىمدىق ەكسپەديسياسى ءوتتى دەپ جازادى Qamshy.kz اقپارات اگەنتتىگى.

ماقساتى ءار اۋدانداردا قۇرىلعان ارنايى ەكسپەديسيالىق توپ باسقا اۋداندارعا بارىپ، سول ءوڭىردىڭ تاريحي-مادەني ەسكەرتكىشتەرىمەن، مادەنيەتىمەن، قولونەرشىلەرىمەن، تاريحتا ەسىمى قالعان ۇلى تۇلعالارىمەن تانىسۋ ەدى.

بايزاق اۋدانىنا مويىنقۇم اۋدانىنىڭ جاستارىنان قۇرالعان توپ ساپار شەگىپ، اۋداندا وزدەرىنىڭ ەكسپەديسياسىن باستادى. اۋدان جاستارىن وبلىستىق تاريحي-مادەني ەسكەرتكىشتەردى قورعاۋ ديرەكسياسى ديرەكتورىنىڭ ورىنباسارى ساۋران قالييەۆ پەن اۋداندىق تاريحي-ولكەتانۋ مۋزەيىنىڭ عىلىمي قىزمەتكەرى ايناگۇل مامىتبەكوۆالار بەلگىلەنگەن كەستە بويىنشا، ارالاتىپ تانىستىردى.

ەكسكۋرسيانىڭ ءبىرىنشى كۇنى اۋداندىق مۇراجايدا بولعان ەكسپەديسيالىق توپ مۇراجايداعى تاريحي ەكسپوناتتاردى تاماشالاپ، بايزاق اۋدانىنىڭ قۇرىلۋ تاريحىمەن تانىسىپ، داڭق، تاريح، ارحەولوگيا، مادەنيەت، ونەر جانە سپورت، ەتنوگرافيا زالدارىن ارالادى. ودان كەيىن قاراساي شاتقالىنداعى پەتروگليفتەرى قولا ەرتە تەمىر داۋىرىندە ۇلكەن تاستاردىڭ بەتىنە كولەمى ءارتۇرلى قوس وركەشتى تۇيەلەر، تاۋ ەشكىلەرى، بۇعىلار جەكە-دارا كورسەتىلسە، ەندى ءبىر جەرلەردە جايىلىپ جۇرگەن تاۋ ەشكىلەرى بەلگىلەنگەن بەينەلەردى ءوز كوزدەرىمەن كورىپ، ارى قاراي بايزاق باتىر مامبەت ۇلى كەسەنەسىنە ءمىناجات ەتتى.

ۇلى جىبەك جولىنىڭ بويىندا بوتامويناق اۋىلدىق وكرۋگىندە ورنالاسقان قوستوبە قالاشىعىنىڭ تاريحىمەن تانىسىپ، ارى قاراي تۇيمەكەنت قالاشىعىندا جالعاسىن تاپتى. «تۇيمەكەنت» اتاۋى – تۇيمە قىزدىڭ اتىنان بەرىلگەن قالا بولعان، ەل اۋزىندا ساقتالعان اڭىز بويىنشا بۇل قالادا حاننىڭ تۇيمە اتتى قىزى بولعان ەكەن. قالانىڭ سىرتى قامالمەن قورشالىپ، بەكىتىلگەن دەسەدى. كۇندەردىڭ ءبىر كۇنى جاۋ باتىرىنىڭ كوزى تۇيمە قىزعا ءتۇسىپ، اكەسىنە قۇدالىققا ەلشى جىبەرەدى. الايدا قىزى مەن اكەسى كونبەيدى. اقىرى جاۋ تۇيمە قىزدىڭ قالاسىن قۇلاتادى، ءبىراق ماقساتىنا جەتە المايدى. تۇيمە قىز قالاسىمەن بىرگە مەرت بولادى.

جاستار بارعان كەلەسى نىسان – ورتالىق ساياباقتاعى ا.سۋحانبايەۆ، سارىكەمەر اۋىلىنا كىرەبەرىستەگى، بايزاق باتىر مامبەت ۇلىنىڭ ەسكەرتكىشتەرى بولدى. «ادەمى» ۇلتتىق كيىمدەر شەبەرحاناسىنا بارىپ، ەر، ايەل، جاس بالالار مەن قىزدارعا ۇلتتىق ناقىشتاعى شاپان، كويلەك تىگەتىن شەبەرحانا، جۇمىسى جاستاردى قىزىقتىرماي قويمادى.

ەكسكۋرسيانى قورىتىندىلاي كەلە ءال-فارابي اتىنداعى اۋداندىق مادەنيەت ءۇيىنىڭ ديرەكتورى امانگەلدى تىلەپوۆپەن كەزدەسىپ، اۋدان جاستارى اۋداننىڭ مادەنيەتىمەن تانىستى. «بايتەرەك» بالالار دەمالىس ورتالىعىندا ارىس قالاسىنان كەلگەن بالالارعا ارنالعان مەرەكەلىك ءىس-شاراعا مويىنقۇم كومانداسى شاقىرتۋ الىپ، اۋدانىمىزدىڭ جاس انشىلەرى دۇزەلباي ەركەبۇلان مەن امان نازگۇل ونەرلەرىن كورسەتىپ قايتتى.