قازىنادان قارالعان قارجى ماقساتتى جۇمسالسا، جوسپاردىڭ دا جۇيەلى جۇزەگە اسىپ جاتقانىن ايعاقتايدى. بۇل جايلى ەل پرەزيدەنتى قاسىم-جومارت توقايەۆ تا باسا ايتىپ، ءاربىر تيىننىڭ سۇراۋى بولاتىندىعىن ەسكەرتكەن بولاتىن. سوندىقتان جامبىلدىقتار بولىنگەن بيۋدجەتتىك تەڭگەنى تەتىگىن تاۋىپ جۇمساۋعا كۇش سالۋدا دەپ جازادى Qamshy.kz اقپارات اگەنتتىگى. جامبىل وبلىسى شۋ اۋدانىندا 2019 جىلدىڭ 1 قاڭتارىنا جەرگىلىكتى بيۋدجەتتەن قارجىلاندىرىلاتىن 92 كوممۋنالدىق مەملەكەتتىك مەكەمە (ونىڭ ىشىندە –اۋدان اكىمى اپپاراتى-1، اۋداندىق ءماسليحات-1، شۋ قالالىق جانە اۋىلدىق وكرۋگتەر-19، بولىمدەر-14، بولىمدەرگە باعىنىستى مەكەمەلەر - 8، ءبىلىم ءبولىمىنىڭ ورتالىقتاندىرىلعان بۋحگالتەرياسى ارقىلى قارجىلاندىرىلاتىن مەكتەپتەر-49)، 31 كوممۋنالدىق مەملەكەتتىك قازىنالىق كاسىپورىن (ونىڭ ىشىندە 6-مەكتەپتەن تىس، 23-بالالار باقشاسى، 2-مادەنيەت ءۇيى) بار جانە شارۋاشىلىق جۇرگىزۋ قۇقىعىنداعى 4 مەملەكەتتىك كوممۋنالدىق كاسىپورىن، جارعىلىق كاپيتالىنداعى قاتىسۋ ۇلەسى مەملەكەتكە تيەسىلى 1 جاۋاپكەرشىلىگى شەكتەۋلى سەرىكتەستىك بار.

قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-وزى باسقارۋ تۋرالى 2001 جىلعى 23 قاڭتارداعى №148 زاڭىنىڭ 29 بابىن باسشىلىققا الا وتىرىپ، نىسانالى ينديكاتورلارعا قول جەتكىزۋ ماقساتىندا اۋدان اكىمى ق.دوسايەۆپەن جامبىل وبلىسى اكىمدىگى قارجى باسقارماسىنىڭ باسشىسى ر.يسايەۆا اراسىندا جەرگىلىكتى بيۋدجەتكە سالىقتىق جانە سالىقتىق ەمەس تۇسىمدەردىڭ ءوسۋى 106،2 پايىزعا جانە بيۋدجەت قاراجاتتارىنىڭ جىل قورتىندىسىمەن 99،9 پايىزعا يگەرىلۋىن قامتاماسىز ەتۋ ماقساتىندا كەلىسىم جاسالىنعان.

اۋداندىق بيۋدجەت - كىرىستەرىنىڭ جىلدىق جوسپارى 20 ملرد. 333 ملن. 763،0 مىڭ تەڭگە، 1 ماۋسىمعا جوسپارى 6 ملدر. 865 ملن. 532،0 مىڭ تەڭگە، 1 ماۋسىمعا تۇسكەنى 7 ملرد. 374 ملن. 813،1 مىڭ تەڭگە، 107،4%-عا ورىندالىپ، 509 ملن 281،1 مىڭ تەڭگە ارتىق تۇسكەن.

جەرگىلىكتى اۋدان بيۋدجەتى كىرىستەرى بويىنشا جىلدىق جوسپار — 2 ملرد. 891 ملن. 73،0 مىڭ تەڭگە، 1 ماۋسىمعا دەيىنگى جوسپار — 1 ملرد. 170 ملن. 197،0 مىڭ تەڭگە. 1 ماۋسىمعا تۇسكەنى — 1 ملرد. 679 ملن. 478،1 مىڭ تەنگە. 143،5% -عا ورىندالىپ، 509 ملن. 281،1 مىڭ تەڭگە ارتىق تۇسكەن.

ترانسفەرتتەردىڭ جىلدىق جوسپارى 17 ملرد. 442 ملن. 690،0 مىڭ تەڭگە، 1 ماۋسىمعا جوسپارى 5 ملرد. 695 ملن. 335،0 مىڭ تەڭگە، 1 ماۋسىمعا تۇسكەنى 5 ملرد. 695 ملن. 335،0 مىڭ تەڭگە. 100%-عا ورىندالعان.

شىعىستار بويىنشا قارجىلاردىڭ جىلدىق جوسپارى 20 ملرد. 913 ملن. 830،0 مىڭ تەڭگە. 1 ماۋسىمعا جوسپارى 6 ملرد. 967 ملن. 874،0 مىڭ تەڭگە. 1 ماۋسىمعا ورىندالۋى 6 ملرد. 929 ملن. 205،0 مىڭ تەڭگە نەمەسە 99،4%-دى قۇراعان.

«شۋ-جىلۋ» ورتالىق قازاندىعى الداعى جىلىتۋ ماۋسىمىندا شۋ قالاسىنداعى 57-كوپقاباتتى تۇرعىن ۇيگە، 226 جەكە ۇيگە، 14ء-بىلىم نىسانىنا، 1 ءوڭىرارالىق ەمحاناعا، 1-سپورت نىسانىنا، 4-مەملەكەتتىك مەكەمەگە، 50-باسقا نىسانعا، جالپى سانى 353 نىسانعا جىلۋ بەرەدى.

بيىلعى جىلى ورتالىق قازاندىقتىڭ اعىمداعى جوندەۋدەن وتكىزۋگە جالپى 43613،5 مىڭ تەڭگە قارجى قاراستىرىلىپ وتىر. ونىڭ ىشىندە اۋداندىق بيۋدجەتتەن 12538،0 مىڭ تەڭگە، كاسىپورىن قاراجاتىنان 31075،5 مىڭ تەڭگە ءبولىندى.

وتىنمەن قامتاماسىز ەتۋ بويىنشا قازاندىق 2018 جىلدان باستاپ تابيعي گازعا قوسىلعان. گاز پايدالانۋ ءۇشىن جالپى 386755،0 مىڭ تەڭگە اۋدارىلعان. ونىڭ 201704،0 مىڭ تەڭگەسى «كازترانسگازايماق» اق-نا تولەنسە، قالعان 185051،0 مىڭ تەڭگەسى كاسىپورىن شوتىندا.

رەزەرۆتە 745 توننا كومىر ساقتاۋلى. سوندىقتان ورتالىق قازاندىق بويىنشا ماسەلە جوق. شۋ قالاسىندا 118 كوپقاباتتى تۇرعىن ءۇي بار. ونىڭ 57ء-سى ورتالىق قازاندىقتان جىلىنادى.

كومىرمەن قامتاماسىز ەتۋگە كەلسەك، 2019 جىلعا قازاندىقپەن جىلىتىلاتىن 28 مەكتەپكە 4870 توننا كومىرگە 60875،0 مىڭ تەڭگەگە، پەشپەن جىلىتىلاتىن 11 مەكتەپكە 589 توننا كومىرگە 11106،0 مىڭ تەڭگەگە، قازاندىقپەن جىلىتىلاتىن 6 بالاباقشاعا 492 توننا كومىرگە 6150،0 مىڭ تەڭگە پەشپەن جىلىتىلاتىن 10 بالاباقشاعا 492 توننا كومىرگە 9621،0 مىڭ تەڭگە، قازاندىقپەن جىلىتىلاتىن 1 مەكتەپتەن تىس ءبىلىم بەرۋ مەكەمەسىنە 125 توننا كومىرگە 1562،0 مىڭ تەڭگەگە پەشپەن جىلىتىلاتىن 6 مەكەمەگە 843 توننا كومىرگە 15174،0 مىڭ تەڭگە قارجى اۋداندىق بيۋدجەتتەن بولىنگەن. بۇگىنگى كۇنگە مەملەكەتتىك ساتىپ الۋ تاسىلىمەن مەردىگەردى انىقتاۋ جونىندە كونكۋرس جاريالانعان.

ارينە، بۇنىڭ ءبارى ەڭ الدىمەن حالىقتىڭ قامى ءۇشىن جاسالىپ جاتقانى انىق. «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋدا دا ءوز ماقسات مەڭزەلەدى. ەندەشە ەل يگىلىگى ءۇشىن جاسالىپ جاتقان جۇمىستار جەمىستى بولعاي.