ەل ەگەمەندىگىن العاننان بەرگى ەڭ ايتۋلى جوبالارىنىڭ ءبىرى – «ديپلوممەن اۋىلعا» باعدارلاماسى بولعانى داۋسىز. سەبەبى بۇل جوبا ەڭ الدىمەن ەلدى مەكەندەرگە جاس مامانداردى تارتىپ، الەۋمەتتىڭ الەۋەتىن جاقسارتۋعا باعىتتالدى. بۇگىندە جامبىل وبلىسىندا باعدارلاما شاراپاتىن كورىپ وتىعان جاستار جەتەرلىك دەپ جازادى Qamshy.kz اقپارات اگەنتتىگى.  جاسىرىپ قايتەيىك، ءدال ءقازىر بابالارىمىزدىڭ ارمانى جەتپەگەن جەرگە، بالالارىمىزدىڭ قالامى جەتتى. ەلباسى نۇرسۇلتان ءابىش ۇلى نازاربايەۆتىڭ تىكەلەي باستاماسىمەن جاستار «بولاشاق» باعدارلاماسىمەن الىس-جاقىن شەت مەملەكەتتەردە ءبىلىم الۋعا قول جەتكىزسە، ديپلوممەن اۋىلعا اعىلعان ماماندار مەملەكەتتىك بارلىق دەڭگەيدەگى قولداۋعا يە بولۋدا.

جامبىل وبلىسى دا بۇل باعىتتا كەنجەلەپ جاتقان جوق. ماسەلەن قازاقستان رەسپۋبليكاسى ۇكىمەتىنىڭ 2009 جىلعى 18 اقپانداعى «اۋىلدىق ەلدى مەكەندەرگە جۇمىس ىستەۋگە جانە تۇرۋ ءۇشىن كەلگەن دەنساۋلىق ساقتاۋ، ءبىلىم بەرۋ، الەۋمەتتىك قامسىزداندىرۋ، مادەنيەت، سپورت جانە ۆەتەريناريا ماماندارىنا الەۋمەتتىك قولداۋ شارالارىن ۇسىنۋ مولشەرىن جانە ەرەجەسىن بەكىتۋ تۋرالى» №183 قاۋلىسىنا سايكەس، شۋ اۋدانى اكىمدىگىنىڭ اۋىلشارۋاشىلى بولىمىنەن 2019 جىلدىڭ 8ء-شى اقپانىندا تاپسىرۋ-قابىلداۋ اكتىسىنە سايكەس الەۋمەتتىك كومەك الۋشىلار سانى 178 جانە بيۋدجەتتىك نەسيە الاتىن 112 ماماننىڭ ءتىزىمى قابىلدانعان.

2019 جىلعا 62 مامانعا رەسپۋبليكالىق بيۋدجەتتەن تۇرعىن ءۇي الۋعا بولىنگەن قاراجات – 234 825 000 تەڭگە، كوتەرمە جاردەماقىعا 80 مامانعا – 14 140 000 تەڭگە جەرگىلىكتى بيۋدجەتتەن قاراستىرىلىپ وتىر.

اتاۋلى جوبا اياسىندا، 2019 جىلدىڭ ءساۋىر - ماۋسىم ايلارىندا وتكەن كوميسسيا وتىرىسىندا شەشىم قابىلدانعان 36 مامانعا كوتەرمە جاردەم اقىعا 6 363 000 تەڭگە جەرگىلىكتى بيۋدجەتتەن قاراجات تولەنگەن. 27 مامانعا تۇرعىن ءۇي ساتىپ الۋ ءۇشىن 102 261 500 تەڭگە رەسپۋبليكالىق بيۋدجەتتەن قاراجات ءبولىنىپ وتىر.

بۇل ارينە جاس ماماندار ءۇشىن ۇلكەن دەمەۋ ەكەنى داۋسىز. وعان قوسا، شىرايلى شۋ وڭىرىندە جاس مامانداردىڭ ءوز شەبەرلىگىن شىڭداپ، شىن بىلىكتى كادر اتانۋعا بارلىق مۇمكىندىك جاسالعان. اسىرەسە، الەۋمەتىك سالا، مەديسينا جانە مادەنيەت مايتالمانى قاي اۋىلدىق جەرگە بولماسىن اۋاداي قاجەت ەكەنى ايدان انىق. جاس مامانداردىڭ تىلەگىنە قۇلاق تۇرسەك، ولاردىڭ وسىنداي مۇمكىندىك پەن جاعداي تۋعىزعان ەلباسىنا، مەملەكەت باسشىسىنا جانە وبلىس اكىمى اسقار مىرزاحمەتوۆكە العىسى شەكسىز. ەندى شە؟

راس كەڭەستىك كەزەڭدە جاس مامانداردى مەملەكەتتىك تاپسىرىس نەگىزىندە جۇمىسقا جولدايتىن. ول تۇستا حالىق وڭتۇستىك، ءال سولتۇستىك نەمەسە شىعىس پەن باستى دەپ بولىنبەيتىن. ۇكىمەت قايدا جولداسا سوندا تارتاتىن. قاي مەكەمەدەن سۇرانىس تۇسسە، سونىڭ وتىمەن كىرىپ، كۇلىمەن شىعاتىن. الايدا ودان جامان بولعان ەشكىم جوق. بۇگىنگى اعا بۋىن ازاماتتاردىڭ دەنى سول كومسومول مەكتەبىنەن ءوتىپ، تاس ويىپ، قىش تا قۇيدى. دەسە دە تاۋەلسىزدىك تاڭىنىڭ ەڭ ءتاتتى سىيى ءقازىر جاستارعا قايدا ءبىلىم السام، قايدا قىزمەت ەتسەم دەسە دە تاڭداۋ بەرىلگەن. «ديپلوممەن اۋىلعا» كەلىپ جاتقان جاستار دا قيناپ ەش جەرگە ايدالىپ جاتقان جوق.

ۇكىمەت ولارعا قالاۋ مەن تاڭداۋ بەرۋدە. سول نەگىزدە جامبىل وبلىسىنىڭ ءوز تۋمالارى قولدارىنا ديپلومىن الىپ تۋعان جەرگە تۋ تىگىپ جاتسا، ەندى ەكىنشى ءبىر سىپىراسى كورشىلەس وڭىردە ەڭبەك ءوتىلىن باستاۋدى ءجون كورۋدە. ال ولار كەلگەن بويى كوتەرمە جاردەماقى، باسپانا جانە مەملەكەتتىك قولداۋ پاكەتتەرىنە يە بولۋدا. جانە ءومىر بويى سول اۋىلدىڭ، الدە مەكەمەنىڭ بوساعاسىنا بايلانىپ قالماي، كەلىسىمشارتى اياقتالعاندا ۇلكەن قالالاردا قىزمەتىن جالعاستىرۋدا. بۇل ءسوز جوق، جاستارعا جاسالعان مول قامقورلىق. وسىنى تۇسىنگەن بۇگىنگى بۋىن شۋ سىندى شالعاي اۋداندارعا جول تارتىپ، ءبىلىلى مەن بىلىكتىلىگىن اۋىل حالقىنىڭ قامى ءۇشىن ارناپ جاتقانى قۋانتادى. ەندەشە، ىسكە ءسات قۇرمەتتى جاس ماماندار! سىزدەردىڭ شەشىمدەرىڭىز كوپكە ۇلگى ەكەنى داۋسىز.