قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ ءار جولداۋىندا الەۋمەتتىڭ الەۋەتىن ارتتىرۋعا باسىمدىق بەرگەنىن ەل جاقسى بىلەدى. ال «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن جاقسارتۋ» اتتى ۇندەۋىندە ەلدىڭ قامى ءۇشىن قىرۋار تاپسىرمالار جۇكتەلدى. بۇل جاۋاپكەرشىلىك پەن سەنىم ۇدەسىنەن بۇگىندە جامبىل وبلىسى شىعۋدا دەپ جازادى Qamshy.kz اقپارات اگەنتتىگى.  جامبىل وبلىسى شۋ اۋدانىندا بۇگىنگى كۇنگە حالىق سانى 102120 ادامدى قۇراسا، ونىڭ ىشىندە 50 323 ادام ەكونوميكالىق بەلسەندى حالىق ساناتىنا جاتادى. جۇمىسسىزدىق دەڭگەيى 2،7 پايىزدى (1400ادام جۇمىسسىز) قۇرادى.

جۇمىسقا ورنالاسۋ ماسەلەسى بويىنشا جۇگىنگەن ادامداردىڭ سانى 1510 ادام ونىڭ ىشىنەن جۇمىسقا ورنالاسقاندار 1015 ادام.

اعىمداعى جىلى اۋدان بويىنشا 910 جۇمىس ورىن اشىلادى دەپ جوسپارلانعان. ونىڭ 630 جاڭا جۇمىس ورنى، 280 ماۋسىمدىق جۇمىس ورنى. بۇگىنگى كۇنگە 87 جاڭا جۇمىس ورنى اشىلدى.

باعدارلامانىڭ ءى باعىتى – «باعدارلاماعا قاتىسۋشىلاردى تەحنيكالىق جانە كاسىپتىك بىلىممەن جانە قىسقا مەرزىمدى كاسىپتىك وقۋمەن قامتاماسىز ەتۋ» اياسىندا 90،7ملن. تەڭگە قاراجات ءبولىنىپ، 320 ادام وقىتۋ جوسپارلانعان. بۇگىنگى كۇنگە 85 ادام قىسقا مەرزىمدى وقۋعا جىبەرىلدى.

باعدارلامانىڭ ءىى باعىتى –«جاپپاي كاسىپكەرلىكتى دامىتۋ» بويىنشا 143 ازاماتقا شاعىن نەسيە بەرۋ جوسپارلانىپ، 601،6 ميلليون تەڭگە ءبولىندى.

«باستاۋ بيزنەس» جوباسىنا كاسىپكەرلىك نەگىزدەرىنە «اتامەكەن» ۇلتتىق كاسىپكەرلىك پالاتاسىنىڭ شۋ اۋداندىق فيليالى ارقىلى 135 ادام وقىتۋ جوسپارلانىپ، بۇگىنگى كۇنگە 119 ازامات «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتىلدى.

باعدارلامانىڭ ءىىى باعىتى – «حالىقتى جۇمىسپەن قامتۋعا جاردەمدەسۋ جانە ەڭبەك رەسۋرستارىنىڭ ۇتقىرلىعى ارقىلى ەڭبەك نارىعىن دامىتۋ» اياسىندا 587 ادامدى جۇمىسپەن قامتۋ جوسپارلانىپ، وعان 255080،0 مىڭ . تەڭگە ءبولىندى.

جاستار پراكتيكاسىنا 61662،0 مىڭ تەڭگە قاراجات ءبولىندى، ونىڭ ىشىندە جەرگىلىكتى بيۋدجەتتەن 20000،0 مىڭ تەڭگە، رەسپۋبليكالىق بيۋدجەتتەن 41662،0 مىڭ تەڭگە. جاستار پراكتيكاسىنا 115 ادامدى قامتۋ جوسپارلاندى.

قازىرگى تاڭدا جوسپاردىڭ بارلىعى جۇزەگە اسۋى ءۇشىن اكىمدىككە قاراستى قۇزىرلى مەكەمەلەر بار كۇشىن سالۋدا. جانە بۇعان ەرىكتىلەر مەن قوعامدىق بىرلەستىكتەر، ءتۇرلى ۇيىمدار دا جۇمىلدىرىلۋدا. يلەپ وتىرعان ءبىر تەرىنىڭ پۇشعاعى، ءارى مەملەكەتتىك ساياساتتىڭ باسىم باعىتى بولعاندىقتان بۇدان شەت قالىپ جاتقان ەشكىم جوق.

ونىڭ جەمىسىن بۇگىنگى مەجە مەن ناقتى جوسپارلار ايقىنداۋ.