ينۆەستيسيا – كەمەل كەلەشەكتىڭ كەپىلى ەكەنى داۋسىز. مەملەكەت باسشىسى قاسىم-جومارت توقايەۆ تا ەل ەكونوميكاسىن دامىتۋدا ينۆەستورلاردىڭ ءرولى ماڭىزدى ەكەنىن ءبىرىنشى كۇننەن ايتىپ كەلەدى. ال جامبىل وبلىسى ينۆەستور تارتۋدان قاي كەزدە دە كوشتەن كەش قالعان ەمەس دەپ جازادى Qamshy.kz اقپارات اگەنتتىگى. ماسەلەن شۋ اۋدانىندا 2020 جىلى ىسكە اسىرىلاتىن ينۆەستيسيالىق جوبالاردىڭ تىزبەگى تۇزەلىپ وتىر.

1. شۋ قالاسى قانت زاۋىتى مولتەك اۋدانى ايماعىنان «حوزۋ اگرو سيستەم» ءجشس-نىڭ «قانت قىزىلشاسى مەن قانت قۇراعىن وڭدەۋ، قانت جانە ليمون قىشقىلىن شىعارۋ» زاۋىتىنىڭ جوباسى. جوبانىڭ قۋاتتىلىعى: كۇنىنە 200 ت. قانت قىزىلشاسىن وڭدەۋ. ىسكە اسىرىلۋ مەرزىمى: 2020-2021 جىلدار. جوبانىڭ جالپى قۇنى — 3 ملرد. 500 ملن. تەڭگە (80% شەتەلدىك قاتىسۋشى، 20% كومپانيا تاراپىنان قارجىلاندىرىلادى). جوبا جۇزەگە اسقان جاعدايدا 60 جاڭا جۇمىس ورىنى اشىلادى دەپ كۇتىلۋدە.

2. «قازاقستان-قىتاي اۋىل شارۋاشىلىق عىلىمي-يننوۆاسيالىق پاركىنىڭ» يننوۆاسيالىق تەحنولوگيامەن جابدىقتالعان 5000 دانا جىلىجاي جوباسى. قۇنى — 272 ملرد. تەڭگە. (800 ملن اقش دوللارى) . جىلىجاي كۇن ساۋلەسىنەن (100 مەگاۆات) ەلەكتر ەنەرگياسىن الادى جانە اتالعان ەنەرگيا كوزىمەن جىلىتىلاتىن بولادى. جىلىجاي كومپلەكسى قۇرىلىسىن جۇرگىزۋ جانە كۇن كوزى (ەنەرگيا) پانەلدەرىن ورناتۋ، اۋىل شارۋاشىلىعى ونىمدەرىن ءوندىرۋ، تۇقىم شارۋاشىلىعى جانە ب ا ق وسىرۋگە «Dongchin Company» جشس-نە دالاقاينار اۋىلىنىڭ جەر قورىنان 270،0 گەكتار جايىلىمدىق جەر ۋچاسكەسى ىزدەستىرۋ جۇمىستارىنا بەرىلدى. جوبا جۇزەگە اسقان جاعدايدا 38 جاڭا جۇمىس ورىنى اشىلادى. ىسكە اسىرۋ مەرزىمى: 2020-2022 جىلدار. اعىمداعى جىلى قۇجاتتاردى راسىمدەۋ، ىزدەستىرۋ جانە ۇڭعىلاردى بۇرعىلاۋ (بۋرەنيە سكۆاجين) جۇمىستارى جۇرگىزىلەتىن بولادى.

2021-22 جىلدارى ىسكە اسىرىلاتىن ينۆەستيسيالىق جوبالار كەلسەك:

1. «Qyzylsha» ءجشس-نىڭ قانت قىزىلشاسى زاۋىتى جوباسى. قۇنى 80 ملرد تەڭگەنى قۇرايدى. كۇنىنە 8000 ت. قانت قىلشاسىن قابىلداپ، جىلىنا 116 000 ت. قانت ءونىمىن وندىرەدى دەپ جوسپارلانۋدا. جوبا ىسكە قوسىلعاندا 300 ادام جۇمىسپەن قامتىلادى. قازىرگى تاڭدا قانت قىزىلشاسىن سەبۋگە 300 گا جەرى دايىن. وتكەن جىلى 700 ملن تەڭگەگە قاجەتتى اۋىل شارۋاشىلىعى تەحنيكالارى ساتىلىپ الىندى.

2. «KazWater Energy» جشس-نە «قازسۋشار» سۋ قورى» جەرىنەن گيدروەلەكتر ستانسياسىنىڭ قۇرىلىسىن جۇرگىزۋ ءۇشىن الاڭى 10،0 گەكتار جەر ۋچاسكەسى بەرىلدى. قۋاتتىلىعى 5 مۆت، جوبانىڭ قۇنى — 1 ملرد 861 ملن تەڭگە. جوبا ىسكە قوسىلعاندا 19 ادام جۇمىسپەن قامتىلماق.

اتالعان جوبالاردىڭ جالپى قۇنى 435 ملرد 397 ملن تەڭگەنى قۇرايدى. جوبالار ىسكە قوسىلعاندا بارلىعى 309 ادام جۇمىسپەن قامتىلاتىن بولادى دەپ كۇتىلۋدە.

وسى نەگىزدە بولشەك ساۋدا تاۋار اينالىمى — 5040،8 ملن. تەڭگەنى قۇراپ، ناقتى يندەكس كولەمى 110،0 پايىزعا ورىندالدى، 2018 جىلمەن سالىستىرعاندا 710،7 ملن. تەڭگەگە ارتىپ وتىر.

كوتەرمە ساۋدا اينالىمىنىڭ كولەمى — 5431،4065،3 ملن. تەڭگە، ناقتى يندەكس كولەمى 205،9 پايىزعا ورىندالدى. 2018 جىلمەن سالىستىرعاندا 2935،7 ملن. تەڭگەگە ارتىپ وتىر

قارجى جۇرگەن جەردە قاداعا قاجەت ەكەنى بەلگىلى. ەلگە كەلىپ جاتقان مول ينۆەستيسيانى ەندى تەك ەل يگىلىگىنە جاراتۋعا قالىپ وتىر. بۇل تۇستا شۋلىقتاردىڭ جوبالارى كوپكە ۇلگى.