بۇگىندە كۇللى الەم سيفرلىق داۋىرگە قادام باستى. جاھاندىق جاھاندانۋدى زاماناۋي قۇرىلعىلارسىز ەلەستۋتە دە مۇمكىن ەمەس كۇنگە جەتتىك. بۇل اريەن باياندى بولاشاعىمىز ءۇشىن باعدارى ايقىن دۇنيە. بۇنى جامبىلدىقتار دا ءجىتى ءتۇسىنىپ، الەۋمەتتىك سالالاردى «سيفرلىق قازاقستان» جوباسىنا نەگىزدەپ، ەلەكتروندى فورماتقا كوشىرۋدى باستادى دەپ جازادى Qamshy.kz اقپارات اگەنتتىگى. بۇگىندە جامبىل وبلىسى شۋ اۋدانىندا مەكتەپتەردى ىشكى سىمسىز Wi-Fi جەلىسىمەن جاراقتاندىرۋ جۇمىستارى قارقىندى جۇرگىزىلۋدە.
اۋدان بويىنشا 40 مەكتەپ ىشكى سىمسىز Wi-Fi جەلىسىمەن جاراقتاندىرىلعان. قامتۋ كورسەتكىشى 85،1 پايىز.
2019 جىلدىڭ 1 قىركۇيەگىنە دەيىن جەرگىلىكتى بيۋدجەتتەن بولىنگەن 14 ميلليون 500 مىڭ تەڭگەگە 7 مەكتەپتە ىشكى سىمسىز Wi-Fi جەلىسىن جۇرگىزۋ جوسپارلانۋدا.
وقۋ كابينەتتەرىن كومپيۋتەرلىك تەحنيكالارمەن جابدىقتاۋ جۇمىستارىنا كەلسەك، 47 مەكتەپتە بارلىعى 2470 كومپيۋتەر قويىلعان. ونىڭ ىشىندە مۇعالىمدەر پايدالاناتىن كومپيۋتەر سانى 1085. سونداي-اق، جالپى وقۋ كابينەتى سانى 1212. ونىڭ ىشىندە 1085ء-ى ءمۇعالىم كومپيۋتەرىمەن جابدىقتالىپ وتىر.
2019 جىلى 233 ينتەراكتيۆتى قۇرىلعىلار ساتىپ الىپ، وقۋ كابينەتتەرىن 100 پايىز ءمۇعالىم كومپيۋتەرىمەن جابدىقتاۋ جوسپارلانۋدا.
اۋداندا لينگوفوندىق-مۋلتيمەديالىق كابينەتتەر سانى – 34، ينتەراكتيۆتى تاقتالار سانى – 419.
مەكتەپتەردى روبوتوتەحنيكا كابينەتتەرىمەن جابدىقتاۋ دا جولعا قويىلعان.
2018 جىلى جەرگىلىكتى بيۋدجەتتەن 15 ميلليون 144 مىڭ تەڭگەگە 4 مەكتەپ (م.اۋەزوۆ، م.ماقاتايەۆ، س.سەيفۋللين، ا.س.ماكارەنكو) روبوتوتەحنيكا كابينەتىمەن جابدىقتالدى. اۋدانداعى 15 مەكتەپتە روبوتوتەحنيكا ۇيىرمەلەرى جۇمىس جاساۋدا. قازىرگى ۋاقىتتا روبوتوتەحنيكا كابينەتىمەن جابدىقتالۋ كورسەتكىشى 31،9 پايىز.
تەگىن ءبىلىم بەرەتىن ءىت سىنىپتار اشۋ توقتالساق، شۋ قالاسىنداعى جىبەك جولى مەكتەپ ليسەيىنىڭ بازاسىندا 2018 جىلدىڭ 30 تامىزى كۇنى جەرگىلىكتى بيۋدجەت ەسەبىنەن جالپى سوماسى 5 ميلليون 695 مىڭ 700 تەڭگە قاراجاتقا ءىت سىنىپ اشىلدى.
قازىرگى ۋاقىتتا ءىت سىنىپتا 10 وقۋشىدان 6 توپ وقىتىلۋدا. بارلىق تاربيەلەنۋشى سانى 60. STEM باعدارلاماسى بويىنشا ءبىلىم العان ەكى ۇستاز ساباق بەرۋدە.
2019 جىلى 4 مەكتەپتىڭ (جامبىل گيم، ە.بەكماحانوۆ مگ،تولە بي/ا/ وم، ءا.مولداعۇلوۆا وم) بازاسىندا ءىت سىنىپتار اشۋ جوسپارلانۋدا.
وسىلايشا اۋدان «سيفرلىق قازاقستان» باعدارلاماسىنا اۋقىمدى ۇلەس قوسۋدا. بۇرناعى كەزى كومپيۋتەر پەرنەسىن وقۋشىلارعا باسۋ ارمان بولسا، ءقازىر ەكىنىڭ-بىرىنىڭ قولىندا پلانشەت ءجۇر. سونداي-اق بارلىق مەكتەپتەر سىمسىز ينتەرنەت جەلىسىنە قوسىلعان. بابالار اڭساعان ارمانعا جاستارىمىزدىڭ قول جەتكىزىپ جاتقانى قۋانتادى. ءارى بۇل وركەنيەت كوشىنەن ءبىر ەلى قالماعان ۇرپاق تاربيەلەيتىنى داۋسىز.
پىكىر قالدىرۋ