"ايەل ءبىر قولىمەن بەسىكتى تەربەتسە، ەكىنشى قولىمەن الەمدى تەربەتەدى" دەگەن قازاقتا قاناتتى ءسوز بار. بوپەسىن بەسىك جىرىمەن الديلەپ، ۇلىن ۇياعا، قىزىن قياعا قوندىرىپ، ءوز كاسىبىن دوڭگەلەتىپ جۇرگەن ايەل، انالارىمىز از ەمەس. سولاردىڭ ءبىرى – جامبىل وبلىسى سارىسۋ اۋدانىنا قاراستى اقتوعاي اۋىلىندا تۇراتىن ابزال انا مەيرامكۇل قاراكەسەكوۆا ونەگەلى ومىرىندە ەسەلى ەڭبەگىمەن ەلدىڭ ەلەۋلىسىنە اينالعان.

مەيرامكۇل جامبىلبەك قىزى تەك قانا التىن القا يەگەرى عانا ەمەس، جەكە «دياس» شارۋا قوجالىعىنىڭ ءتورايىمى. مال شارۋاشىلىعىمەن بالالارى اينالىسىپ، بىلدەي شارۋانى دوڭگەلەنتىپ وتىرعان جايى بار.

دەمالىس دەگەندى ەلەي بەرمەيتىن ارداقتى انا، اسىل اكە ۇل-قىزدارىن دا ەرىنبەي ەڭبەك ەتۋگە تاربيەلەدى.

قىسى جازى ساتىپ الۋ دەگەندى بىلمەيتىن بۇل وتباسىنان قۇرت، ماي، ىرىمشىك، ەت،ءسۇت،ايران،قايماق،سۇزبە ت.ب اعارعاننىڭ بارلىق ءتۇرىن تابۋعا بولادى. بارلىق بالا-شاعاسىنىڭ اۋىزدارىن اققا ودان قالا بەردى كورشى-قولاڭ، اينالاسىنداعىلاردى دا قامتىپ وتىرعان جانۇيا تىرلىگى تىندىرىمدى.

شارۋسى مىعىم، ءىسى نىق مەيرامكۇل انانىڭ وننان استام جەمىس تالدارىن كۇتىپ ۇستاپ وتىرعان باعبانشىلىق قاسيەتتەرى دە بار. الما، ورىك، سارى،قارا ورىك،جاڭعاق، شيە تاعى باسقا تالدارمەن قاتار، كارتوپ، قىزاناق، قيار،جۇگەرى ءوسىرىپ قاراپايىم زاتتار ەكونوميكاسىنىڭ دامۋىنا بىردەن ءبىر ۇلەس قوسىپ كەلە جاتقان ءجايى تاعى بار.

الا جازداي ءتۇرلى سالات، كەپتىرىلگەن الما، تاتتىلەر مەن قوسا قاجەتتى كوكونىستەردەن بانكىلەر جاۋىپ، قىستىڭ قامىن جازدا ويلايتىن اياۋلى انا قۇرمەت بيىگىنەن كورىنىپ، ەل-جۇرتتىڭ ەلەۋلى تۇلعاسىنا اينالىپ وتىر.

ەتكەن ەڭبەك توككەن تەردىڭ ارقاسىندا وردەن-مەدالدى وڭىرىنە قاداپ، قانشاما ماقتاۋ-ماراپاتقا قول جەتكىزدى.

– مەملەكەت تاراپىنان بەرىلىپ جاتقان ءتيىمدى باعدارلامالاردىڭ دا شاراپاتىن كورىپ وتىرمىز. جاقسى قارتايا ءبىلۋدىڭ ءوزى ونەر عوي. سوندىقتان تەك قانا يگى ىستەردىڭ باستاماشىسى بولعىم كەلەدى. بۇگىندە قامقورلىق اكسيالارىنا اتسالىسىپ، مۇمكىندىگىنشە جاقسىلىق جاساۋعا ۇمتىلامىز.العاشقى جىلدارداعى اۋىرتپالىقتار ارتتا قالىپ، ەلىمىز وركەندەۋ جولىنا ءتۇستى.

ءقازىر ءبىلىمنىڭ زامانى. سوندىقتان جاستارىمىز وقۋ وقىپ، ءبىلىم الۋعا ۇمتىلعانى دۇرىس دەپ ويلايمىز. قاشاندا بولماشىعا مويىماي، تاباندىلىق تانىتا ءبىلۋ كەرەك. سوندا عانا باسىڭا باقىت قۇسى قونادى،- دەپ، بالالارىن جىگەرلەندىرىپ، ۇنەمى اقىل-كەڭەسىن ايتىپ، باعىت-باعدار بەرىپ، جول سىلتەپ وتىراتىن اكەسى بۇرالقىنىڭ وتباسىنداعى ورنى ەرەك.

– پەرزەنتتەرىمىزە دە ءبىلىم ال، وقى، ەڭبەكتەن دەپ ءجيى ايتىپ وتىرامىز. سونىڭ ناتيجەسى بالالارىمىز ءوز سالالارىنىڭ بيىگىن باعىندىرىپ جۇرگەن ازاماتتار.

وسى كۇنگە دەيىن ەشكىمنىڭ الا ءجىبىن اتتاعان ەمەسپىز. مالدى جاساندى جولمەن سەمىرتەتىندەر بار دەگەندى ەستىگەندە ەرىكسىز جاعامدى ۇستايمىن. ول ادامداردىڭ دا دەنساۋلىعىنا زيان. ال بىزدىكى تابيعي تازا ءونىم. بۇل ومىردە ءبىز ءۇشىن حالىقتىڭ العىسىن الىپ، قۇرمەتىنە بولەنىپ جۇرگەننەن قىمبات ەشتەڭە جوق»، – دەيدى مەيرامكۇل انا.